ចិន ៖ តាមប្រភពពី Viral4real ថា មានប្តី-ប្រពន្ធមួយគូបានយកកូនបង្កើត៣នាក់របស់ពួកគេទៅលក់ក្នុងតម្លៃទាប ដើម្បីបានលុយទុកលេងហ្គេមព្រោះថា អ្នកទាំងពីរសុទ្ធតែជាមនុស្សញៀនហ្គេមកុំព្យូទ័រ ។
លោក Li Lin និងអ្នកស្រី Li Juan បានលក់កូនទីពីររបស់ពួកគេក្នុងតម្លៃទាបបំផុត គឺត្រឹមតែ៥០០ដុល្លារសហរដ្ឋអាមេរិក ។ចំណែកឯកូនទីមួយ និងកូនពៅ លក់បានប្រហែល៤,៦០០ដុល្លារសហរដ្ឋអាមេរិក ក្រោយពីលក់កូនទីពីរបានភ្លាម ។ មូលហេតុនៃការលក់នេះ គឺមកពីការចំណាយទៅលើហ្គេមរបស់លោក Lin និងអ្នកស្រី Juan មានការកើនឡើង ដែលធ្វើឲ្យពូកគេទាំង២នាក់ លក់កូនយកលុយ ។
ប្តី-ប្រពន្ធចិត្តសាហាវ ដែលវក់នឹងហ្គេមទាំងពីរនាក់ខាងលើបានជួបគ្នាដំបូងនៅកន្លែងលេងហ្គេមនោះ កាលពីឆ្នាំ២០០៧ ហើយដល់ពេលយូរៗទៅក៏ទៅរស់នៅជាមួយគ្នា ។ ពេលដែលរស់នៅជាមួយគ្នា ពួកគេទាំងពីរនាក់បានចំណាយពេលលើការលេងហ្គេមកុំព្យូទ័រទាំងស្រុង ។ កាលពីឆ្នាំ២០០៨ ប្តីប្រពន្ធញៀនហ្គេមមួយគូនេះ បានបង្កើតកូនទីមួយ ហើយទុកវាចោល ដោយយកពេលទៅលេងហ្គេមជំនួសវិញ ។
រឿងរ៉ាវលក់កូនរបស់អ្នកទាំងពីរខាងលើ ត្រូវបានបែកធ្លាយ ដោយសារម្តាយខាងប្តីទៅប្តឹងប៉ូលិស ។ នៅពេលប៉ូលិសសួររកហេតុផលពីការសម្រេចចិត្តលក់កូននេះ ត្រូវអ្នកទាំងពីរនិយាយទាំងមិនខ្វល់ថា «ពួកយើងមិនចង់ចិញ្ចឹមពួកវា ។ ពួកយើងគ្រាន់តែចង់លក់ពួកវា ដើម្បីបានលុយខ្លះ» ។
ចែករំលែកព័តមាននេះ