រដ្ឋមន្ត្រីក្រសួងពាណិជ្ជកម្មមកពីប្រទេសក្នុងអាស៊ីប៉ាស៊ីហ្វិកទាំង១៦ បានចូលរួមកិច្ចប្រជុំលើកទី១៦ កាលពីថ្ងៃអង្គារ ដើម្បីពិភាក្សាលើកិច្ចព្រមព្រៀងដៃគូសេដ្ឋកិច្ចយោគយល់ក្នុងតំបន់ (RCEP) ដែលនឹងធ្វើសមាហរណកម្ម
រដ្ឋមន្ត្រីក្រសួងពាណិជ្ជកម្មមកពីប្រទេសក្នុងអាស៊ីប៉ាស៊ីហ្វិកទាំង១៦ បានចូលរួមកិច្ចប្រជុំលើកទី១៦ កាលពីថ្ងៃអង្គារ ដើម្បីពិភាក្សាលើកិច្ចព្រមព្រៀងដៃគូសេដ្ឋកិច្ចយោគយល់ក្នុងតំបន់ (RCEP) ដែលនឹងធ្វើសមាហរណកម្មទីផ្សារក្នុងតំបន់ ជាមួយប្រាក់ចំណូលប្រចាំឆ្នាំសរុបស្មើនឹង២១,៤ទ្រីលានដុល្លារ ។
ប្រធានគណៈកម្មាធិការចរចាពាណិជ្ជកម្ម RCEP លោក Iman Pambagyo ថ្លែងថា កិច្ចការធំជាងគេក្នុងការចរចានេះ នឹងប្រារព្ធនូវការតាំងពិព័រណ៍នៅ Tangerang រហូតដល់ថ្ងៃសុក្រ ដើម្បីស្វែងរកតុល្យភាពដ៏ស័ក្តិសមរវាងផលប្រយោជន៍របស់ដៃគូពាណិជ្ជកម្មអាស៊ាន ដែលមិនទាន់មានកិច្ចព្រមព្រៀងពាណិជ្ជកម្មសេរីក្នុងតំបន់នេះ ។ លោកថ្លែងថា ៖ « ពួកយើងកំពុងធ្វើការលើវា ។ វាត្រូវការភាពបត់បែនយ៉ាងខ្លាំងពីភាគីទាំងអស់ដើម្បីសម្រេចផលប្រយោជន៍ និងការខូចខាតរបស់ខ្លួន » ។
កិច្ចព្រមព្រៀង RCEP មានការចូលរួមដោយដៃគូធំៗទាំង៦របស់អាស៊ានគឺ ប្រទេសអូស្ត្រាលី ចិន ឥណ្ឌា ជប៉ុន កូរ៉េខាងត្បូង និងនូវែលសេឡង់ ។ កិច្ចព្រមព្រៀងនេះមានសារសំខាន់ដូចគា្ននឹងកិច្ចព្រមព្រៀងដៃគូពាណិជ្ជកម្មឆ្លងសមុទ្រប៉ាស៊ីហ្វិក (TPP) ដែលត្រូវបានដឹកនាំដោយសហរដ្ឋអាមេរិក ។ ប៉ុន្តែ TPP អាចនឹងត្រូវបានរំសាយចោល បន្ទាប់ពីជ័យជម្នះរបស់លោក Donald Trump ដែលជាអ្នកគាំទ្រគំនិតការពារនិយមទាក់ទិននឹងពាណិជ្ជកម្ម ។
ដោយចាក់បញ្ចូលភាពជាអ្នកដឹកនាំផ្នែកសេដ្ឋកិច្ចក្នុងតំបន់ ប្រទេសចិននិយាយថា ពួកគេមានគោលបំណងសម្រេចការចរចាលើកិច្ចព្រមព្រៀង RCEP ឲ្យបានឆាប់រហ័ស ៕
ចែករំលែកព័តមាននេះ