ក្រុមហ៊ុនទូរស័ព្ទ Oppo ជាក្រុមហ៊ុនឈានមុខមួយក្នុងការផលិតទូរស័ព្ទដែលមានរូបរាងស្តើងស្រាល និងមានគុណភាពខ្ពស់នៅក្នុងទីផ្សារបច្ចេកវិទ្យាទូរស័ព្ទ ។ តួយ៉ាងដូចជាម៉ូដែលថ្មីរបស់ខ្លួនឈ្មោះ Oppo R9S នេះជាដើម។ ម៉ូដែលថ្មីនោះមានសមត្ថភាពខ្ពស់ផ្នែកកាមេរ៉ា និងកម្លាំងថ្មដ៏ខ្លាំងដែលអាចឲ្យអ្នកប្រើប្រាស់ទូរស័ព្ទវៃឆ្លាតមួយនេះបានយូរ ។
Oppo R9S មានអេក្រង់ 5.5 អ៊ីញប្រភេទ AMOLED វាមានស៊ីមពីរ មានបំពាក់កាមេរ៉ា 16MP ទាំងខាងមុខ និងខាងក្រោយ និងមានទម្ងន់ 145g មានរ៉េម 4G និងមានអង្គចងចាំ 64GB ហើយអាចបន្ថែមអង្គចងចាំរហូតដល់ 256GB និងដំណើរការដោយប្រព័ន្ធ Android OS, v6.0.1 (Marshmallow) និងមាន CPU ប្រភេទ Octa-core 2.0 GHz Cortex-A53 ។
Oppo R9S ក៏មានបំពាក់បច្ចេកវិទ្យា GPS និងសាកថ្មបានឆាប់រហ័ស តែគ្មានវិទ្យុទេ ។ ជាប្រភេទទូរស័ព្ទ Photo/Video Editor និងជាប្រភេទ Document viewer ។
ដោយសារសមត្ថភាពកាមេរ៉ាមុខក្រោយទំហំធំដូចគ្នានោះ បានជាក្រុមហ៊ុន Oppo ធានាថា សម្រាប់ការថត Selfies ជាមួយ និងកាមេរ៉ារបស់ខ្លួនគឺច្បាស់ស្អាតល្អ ។ វាមានតួស្រោបដោយបន្ទះលោហៈ និងមានកម្លាំងថ្ម3010mAh ព្រមទាំងមានបច្ចេកវិទ្យាស្គែនម្រាមដៃផងដែរ ។
សម្រាប់ម៉ូដែល Oppo R9S នេះមានបីពណ៌ គឺពណ៌ខ្មៅ ពណ៌មាស និងពណ៌មាសផ្កាឈូក ៕
ចែករំលែកព័តមាននេះ