ចាប់ខ្លួន១៩នាក់ ដកហូតថ្នាំ៦កញ្ចប់ និងវត្ថុតាង ពាក់ព័ន្ធករណីគ្រឿងញៀ.ន
រាជធានីភ្នំពេញ ៖ កម្លាំងនគរបាលការិយាល័យប្រឆាំងគ្រឿងញៀ.ន សហការជាមួយកម្លាំងនគរបាលខណ្ឌចំការមន ក្រោមការសម្របសម្រួលពីលោក ខាំ សុផារី ព្រះរាជអាជ្ញារង
រាជធានីភ្នំពេញ ៖ កម្លាំងនគរបាលការិយាល័យប្រឆាំងគ្រឿងញៀន សហការជាមួយកម្លាំងនគរបាលខណ្ឌចំការមន ក្រោមការសម្របសម្រួលពីលោក ខាំ សុផារី ព្រះរាជអាជ្ញារងអមសាលាដំបូងរាជធានីភ្នំពេញ បានបង្ក្រាបក្រុមគ្រឿងញៀន ដោយឃាត់ខ្លួនជនសង្ស័យ១៩នាក់ ក្នុងស្រី៤នាក់ និងដកហូតបានថ្នាំ៦កញ្ចប់ និងវត្ថុតាងមួយចំនួន។
ប្រតិបត្តិការនេះ ត្រូវបានធ្វើឡើង នៅរសៀលថ្ងៃទី៨ ខែធ្នូ ឆ្នាំ២០១៦នេះ នៅចំណុចសំណង់មិនរៀបរយ ដីឡូត៍គ្មានលេខ ផ្លូវលេខ៤៧៨ កែង១២៣ ស្ថិតក្នុងក្រុម១ ភូមិ១ សង្កាត់ទួលទំពូងទី១ ខណ្ឌចំការមន។
លោក អ៊ីវ ភារិទ្ធ នាយការិយាល័យប្រឆាំងគ្រឿងញៀន បានឲ្យដឹងថា ក្រោយប្រតិបត្តិការកម្លាំងនគរបាលជំនាញ ដកហូតបានថ្នាំញៀន ប្រភេទក្រាមសថ្លា៦កញ្ចប់ ជញ្ជីង១ ដាវ៤ដើម ស្លាកលេខម៉ូតូ៣ ម៉ូតូ៥គ្រឿង និងឧបករណ៍ប្រើប្រាស់គ្រឿងញៀនមួយចំនួននទៀត។ ក្រោយឃាត់ខ្លួនជនសង្ស័យទាំងអស់ ត្រូវបានបញ្ជូនទៅសួរនាំ ដើម្បីកសាងសំណុំរឿងចាត់ការបន្ដ៕
ចែករំលែកព័តមាននេះ