ចាប់អ្នកញៀនថ្នាំបញ្ជូនទៅតុលាការទៀតហើយ នៅខេត្តសៀមរាប
ខេត្តសៀមរាប ៖ កម្លាំងនគរបាលប្រឆាំងគ្រឿងញៀ.នខេត្តសៀមរាប បានសហការជាមួយកម្លាំងនគរបាលមូលដ្ឋាន ចុះប្រតិបត្តិការបង្ក្រាបករណីជួញដូរ និងប្រើប្រាស់នៅសារធាតុញៀន
ខេត្តសៀមរាប ៖ កម្លាំងនគរបាលប្រឆាំងគ្រឿងញៀ.នខេត្តសៀមរាប បានសហការជាមួយកម្លាំងនគរបាលមូលដ្ឋាន ចុះប្រតិបត្តិការបង្ក្រាបករណីជួញដូរ និងប្រើប្រាស់នៅសារធាតុញៀន
ខេត្តសៀមរាប ៖ កម្លាំងនគរបាលប្រឆាំងគ្រឿងញៀនខេត្តសៀមរាប បានសហការជាមួយកម្លាំងនគរបាលមូលដ្ឋាន ចុះប្រតិបត្តិការបង្ក្រាបករណីជួញដូរ និងប្រើប្រាស់នៅសារធាតុញៀន នៅក្នុងក្រុងសៀមរាបរយៈពេល២ថ្ងៃ រហូតឈានដល់ធ្វើការឃាត់ខ្លួនជនសង្ស័យចំនួន០៦នាក់ បានជាបន្តបន្ទាប់ នៅកន្លែងផ្សេងគ្នា រួចយកមកធ្វើការសួរនាំនៅការិយាល័យជំនាញ ដើម្បីរៀបចំសំណុំរឿងបញ្ជូនបន្តទៅតុលាការខេត្ត ចាត់ការតាមផ្លូវច្បាប់។ ហេតុការឃាត់ខ្លួនជនសង្ស័យ៦នាក់នេះធ្វើឡើងរយៈពេល២ថ្ងៃគឺថ្ងៃទី៦ និងទី៧ ខែធ្នូ ឆ្នាំ២០១៦ ស្ថិតនៅចំណុច សង្កាត់ស្លក្រាម សង្កាត់ជ្រាវ ក្រុង/ខេត្តសៀមរាប។
លោកវរសេនីយ៍ទោ អ៊ុំ សាអាត នាយការិយាល័យនគរបាលប្រឆាំងគ្រឿងញៀន បានឱ្យដឹងថា ជនសង្ស័យដែលសមត្ថកិច្ចនគរបាលធ្វើការឃាត់ខ្លួននោះមាន ទី១/ឈ្មោះ ម៉ាន បូណា ភេទប្រុស អាយុ២១ឆ្នាំ មុខរបរកម្មករសំណង់ រស់នៅភូមិពាក់ស្នែង ឃុំពាក់ស្នែង ស្រុកអង្គរធំ ខេត្តសៀមរាប (ជួញដូរ) ទី២/ឈ្មោះ អ៊ួច សុភ័ណ្ឌ ហៅបង៦៣ ភេទប្រុស អាយុ៣១ឆ្នាំ មុខរបរសន្តិសុខឯកជន មានទីលំនៅភូមិពាក់ស្នែង ឃុំពាក់ស្នែង ស្រុកអង្គរធំ ខេត្តសៀមរាប (ជួញដូរ) ទី៣/ឈ្មោះ ឈន់ ដេវីឌ ភេទប្រុស អាយុ១៥ឆ្នាំ មុខរបរគ្មានទីលំនៅភូមិស្ទឹងថ្មី សង្កាត់ស្វាយដង្គំ ក្រុង ខេត្តសៀមរាប (ប្រើប្រាស់)មានសារធាតុញៀនក្នុងខ្លួន) ទី៤/ឈ្មោះ លី វិស័យ ភេទប្រុស អាយុ១៧ឆ្នាំ មុខរបរគ្មាន ទីលំនៅភូមិមណ្ឌល០១ សង្កាត់ស្វាយដង្គំ ក្រុង/ខេត្តសៀមរាប(ចាត់ចែង)។
ចំពោះ អ្នកទី៥/ឈ្មោះ សូ ពៅ ភេទប្រុស អាយុ១៩ឆ្នាំមុខរបរគ្មាន ស្នាក់នៅភូមិក្រសាំង សង្កាតជ្រាវ ក្រុងសៀមរាប(ប្រើប្រាស់) និងទី៦/ឈ្មោះ ខាន់ មេត ភេទប្រុស អាយុ២៥ឆ្នាំមុខរបរគ្មាន រស់នៅភូមិក្រសាំង សង្កាតជ្រាវ ក្រុងសៀមរាប(ប្រើប្រាស់) កម្លាំងបានរៀបចំសំណុំរឿងបញ្ជូនទៅមណ្ឌលកែប្រែ។ ក្រោយពីធ្វើការឃាតខ្លួន ត្រូវបានកម្លាំងជំនាញបានដកហូតវត្ថុតាងមាន ម្សៅមេតំហ្វេតាមី(ម៉ាទឹកកក)ចំនួន០១កញ្ចប់ធំទំងន់៣,៤ក្រាមទាំងសំបក, -ទូរស័ព្ទដៃចំនួន០៣គ្រឿង, -ម៉ូតូចំនួន០២គ្រឿង និងសម្ភារវេចខ្ចប់ប្រើប្រាស់ថ្នាំញៀនមួយចំនួនទៀត។
បច្ចុប្បន្នជនសង្ស័យចំនួន៦នាក់និងវត្ថុតាងគ្រឿងញៀន(ក្នុងនោះ២នាក់បញ្ជូនទៅមណ្ឌលកែប្រែ)ត្រូវបានសមត្ថកិច្ចនគរបាលបានកសាងសំណុំរឿងបញ្ជូនទៅសាលាដំបូងខេត្តសៀមរាបនៅរសៀលថ្ងៃទី០៨ ខែធ្នូ ឆ្នាំ២០១៦ ដើម្បីចាត់ការតាមផ្លូវច្បាប់៕
ចែករំលែកព័តមាននេះ