ខេត្តកំពង់ស្ពឺ ៖ ដោយបានទទួលព័ត៌មានតាមរយៈបណ្តាញសង្គម Facebook ស្តីពីទិដ្ឋភាពព្រះសង្ឃក្នុងវត្តមង្គលបពិត្រ ដែលជួបប្រទះនូវការខ្វះខាតចង្ហាន់ ស្ថិតនៅក្នុងភូមិកន្លង់ជុំ ឃុំផុង ស្រុកបរសេដ្ឋ ខេត្តកំពង់ស្ពឺ នោះ នៅព្រឹកថ្ងៃទី០៨ ធ្នូ លោកម៉ឹង ពន្លក ប្រធានសមាគមចលនាយុវជនកម្ពុជា ក្រុម១៥៧ បានដឹកនាំសមាជិក-សមាជិកាសាខាខេត្តកំពង់ស្ពឺ រួមទាំងសមាជិក-សមាជិកា
ខេត្តកំពង់ស្ពឺ ៖ ដោយបានទទួលព័ត៌មានតាមរយៈបណ្តាញសង្គម Facebook ស្តីពីទិដ្ឋភាពព្រះសង្ឃក្នុងវត្តមង្គលបពិត្រ ដែលជួបប្រទះនូវការខ្វះខាតចង្ហាន់ ស្ថិតនៅក្នុងភូមិកន្លង់ជុំ ឃុំផុង ស្រុកបរសេដ្ឋ ខេត្តកំពង់ស្ពឺ នោះ នៅព្រឹកថ្ងៃទី០៨ ធ្នូ លោកម៉ឹង ពន្លក ប្រធានសមាគមចលនាយុវជនកម្ពុជា ក្រុម១៥៧ បានដឹកនាំសមាជិក-សមាជិកាសាខាខេត្តកំពង់ស្ពឺ រួមទាំងសមាជិក-សមាជិកាថ្នាក់កណ្តាល នាំយកអំណោយមនុស្សធម៌ប្រគេនជូនព្រះសង្ឃ ដែលគង់នៅក្នុងវត្តនេះចំនួន៣០អង្គ និងកូនសិស្សលោកចំនួន១០នាក់ ដើម្បីជាការជួយសម្រួលទៅដល់ភាពអត្តខាត់របស់ព្រះសង្ឃ និងកូនសិស្សលោកដែលគង់នៅក្នុងវត្តនេះ ។
អំណោយដែលលោកម៉ឹង ពន្លក បានយកមកប្រគេនព្រះសង្ឃនៅវត្តមង្គលបពិត្រ រួមមានអង្ករ១តោន, មីយើង៥០កេស, ត្រីខកំប៉ុង៥កេស, ទឹកត្រី១០ឡូ, ទឹកស៊ីអ៊ីវ១០ឡូ, អំបិល២បាវ, ប៊ីចេង២៥គីឡូក្រាម, ស្ករ.ស២៥គីឡូ, ប្រេងឆា២ធុង, ទឹកសុទ្ធ៥០
យួរ និងថវិកា២,០០០.០០០រៀល ។
ជាមួយគ្នានេះ លោកម៉ឹង ពន្លក ក៏បានពាំនាំអំណោយមនុស្សធម៌របស់លោកស្រីហ៊ុន ម៉ាណា អគ្គនាយិកានៃអគ្គនាយកដ្ឋាន វិទ្យុ និងទូរទស្សន៍បាយ័ន រួមមានទឹកដោះគោខាប់ចំនួន៨កេស និងសាប៊ូដុសខ្លួនចំនួន៤កេស ជូនទៅដល់វត្តមង្គលបពិត្រ តាមរយៈក្រុមការងារចលនាយុវជនកម្ពុជាក្រុម១៥៧ផងដែរ ។
ចែករំលែកព័តមាននេះ