ខេត្តមណ្ឌលគិរី៖ ក្រោយពីបានទទួលព័ត៌មានពីអាណាព្យាបាលរាយការណ៍ដល់សមត្ថកិច្ច កាលថ្ងៃទី០៣ ខែកក្កដា ឆ្នាំ២០២២ នៅវេលាម៉ោង ៨ និង ៣៨នាទីព្រឹក កម្លាំងជំនាញគ្រឿងញៀនស្រុកពេជ្រាដា និងកម្លាំងប៉ុស្តិ៍ពូជ្រៃ បានចុះបង្ក្រាប ករណីគ្រឿងញៀនចំនួន ០៣ទីតាំង ឃាត់ខ្លួនជនសង្ស័យ បានចំនួន ៥នាក់។
សេចក្តីរាយការណ៍បានឲ្យដឹងថា គោលដៅទី១ ស្ថិតនៅភូមិមេប៉ៃ ឃុំពូជ្រៃ ស្រុកពេជ្រាដា ឃាត់ខ្លួនជនសង្ស័យ បានចំនួន ២នាក់ វត្ថុតាង(គ្មាន)។ ជនសង្ស័យ ទី០១.ឈ្មោះ ឡេង មុន្នីរស្មី ភេទប្រុស អាយុ ៣៤ឆ្នាំ រស់នៅភូមិមេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី លទ្ធផលវិជ្ជមាន (+) ទី២-ឈ្មោះ ឌី សុម៉ានី ភេទប្រុស អាយុ ៣៨ឆ្នាំ រស់នៅភូមិមេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី លទ្ធផលវិជ្ជមាន(+)។ វត្ថុតាង រួមមាន ១.ទូរស័ព្ទម៉ាក់ Vivo ពណ៌ទឹកប៊ិច ចំនួនមួយគ្រឿង។
សេចក្តីរាយការណ៍ បន្តថា គោលដៅទី២ ស្ថិតនៅភូមិពូតាង ឃុំពូជ្រៃ ស្រុកពេជ្រាដា ខេត្តមណ្ឌលគិរី ឃាត់ខ្លួនជនសង្ស័យបានម្នាក់ ឈ្មោះ ឈន់ រ៉ី ភេទប្រុស អាយុ ៥៨ឆ្នាំ រស់នៅភូមិពូតាងឃុំ ពូជ្រែស្រុកពេជ្រាដា ខេត្តមណ្ឌលគិរី លទ្ធផលវិជ្ជមាន(+)។ វត្ថុតាង រួមមាន ១-សារធាតុសង្ស័យថាជាសារធាតុញៀនចំនួន ១កូនកញ្ចប់តូច និង២-កែវសម្រាប់ជក់ថ្នាំញៀនចំនួន១។ ៣-ដែកកេះ ចំនួន៥។ ៤-ទូរស័ព្ទម៉ាក oppo ពណ៌ទឹកមាស ១គ្រឿង។
ចំណែកនៅគោលដៅទី៣ ស្ថិតក្នុងភូមិពូតាង ឃុំពូជ្រៃ ស្រុកពេជ្រាដា ខេត្តមណ្ឌលគិរី ឃាត់ខ្លួនជនសង្ស័យបានចំនួន ០២នាក់ ១-ឈ្មោះ លី ថាន់ ភេទប្រុស អាយុ ៤៩ឆ្នាំ មុខរបរ មិនពិតប្រាកដ។ វត្ថុតាង(គ្មាន) និង២-ឈ្មោះ រ៉ា ថាន់ណា ភេទប្រុស អាយុ ២០ឆ្នាំ រស់នៅភូមិមេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី លទ្ធផលវិជ្ជមាន(+) និងវត្ថុតាង(គ្មាន)។
បើតាមសមត្ថកិច្ច ចំពោះឈ្មោះ ឡេង មុន្នីរស្មី ភេទប្រុស អាយុ ៣៤ឆ្នាំ រស់នៅភូមិមេប៉ៃ ឃុំពូជ្រៃ ស្រុកពេជ្រាដា ខេត្តមណ្ឌលគិរី កម្លាំងជំនាញបានបញ្ជូនទៅដាក់នៅក្នុងមណ្ឌល ផ្តាច់គ្រឿងញៀន នៅខេត្តក្រចេះ នៅថ្ងៃទី០៣ ខែកក្កដា ឆ្នាំ២០២២ រួចរាល់។
ចំណែកអ្នកផ្សេងទៀត ក្នុងករណីនេះ កម្លាំងជំនាញ កំពុងកសាងសំណុំរឿង បញ្ជូនទៅតុលាការ ដើម្បីចាត់ការតាមនីតិវិធីច្បាប់៕
ចែករំលែកព័តមាននេះ