អូស្ត្រាលីហាមឃាត់ការនាំចូលមាសពីរុស្ស៊ី និងផ្តល់អាវុ.ធបន្ថែមដល់អ៊ុយក្រែន
អូស្ត្រាលី ៖ អូស្ត្រាលីនឹងផ្តល់រថពាសដែលបន្ថែមចំនួន ៣៤គ្រឿងទៅឲ្យអ៊ុយក្រែន និងបិទការនាំចូល
អូស្ត្រាលី ៖ អូស្ត្រាលីនឹងផ្តល់រថពាសដែលបន្ថែមចំនួន ៣៤គ្រឿងទៅឲ្យអ៊ុយក្រែន និងបិទការនាំចូល
អូស្ត្រាលី ៖ អូស្ត្រាលីនឹងផ្តល់រថពាសដែលបន្ថែមចំនួន ៣៤គ្រឿងទៅឲ្យអ៊ុយក្រែន និងបិទការនាំចូលមាសពីរុស្ស៊ី។ នេះបើយោងតាមការបញ្ជាក់របស់នាយករដ្ឋមន្ត្រីអូស្ត្រាលី Anthony Albanese ក្នុងទីក្រុងគៀវកាលពីថ្ងៃអាទិត្យ ទី ៣ កក្កដា ម្សិលមិញនេះ។
ថ្លែងនៅក្នុងសន្និសិទសារព័ត៌មានក្នុងទីក្រុងគៀវជាមួយនឹងប្រធានាធិបតីអ៊ុយក្រែន លោក Anthony Albanese និយាយថា អូស្ត្រាលីនឹងដាក់ទណ្ឌកម្ម និងហាមឃាត់ការធ្វើដំណើររបស់រដ្ឋមន្ត្រី និងមហាសេដ្ឋីរុស្ស៊ីចំនួន ១៦នាក់បន្ថែម។
រហូតមកដល់ពេលនេះ អូស្ត្រាលីបានដាក់ទណ្ឌកម្មលើបុគ្គលរុស្ស៊ីសរុបជាង ៨៤០នាក់។
នាយករដ្ឋមន្ត្រីថ្មីរូបនេះថ្លែងទៀតថា ប្រទេសលោកនឹងផ្តល់ជំនួយយោធារាប់រយលានដុល្លារដល់អ៊ុយក្រែន។ លោកបញ្ជាក់ថា អូស្ត្រាលីនឹងផ្តល់ឧបករណ៍យោធាបន្ថែមដែលស្នើសុំដោយអ៊ុយក្រែន រួមមានរថពាសដែក ១៤គ្រឿង រថយន្តហោធា Bushmaster ២០គ្រឿង និងដ្រូនមួយចំនួន។
លោក Albanese ក៏បានធ្វើដំណើរទៅកាន់ទីក្រុង Bucha និង Irpin ផងដែរដែលទីនោះកងទ័ពរុស្ស៊ីត្រូវបានចោទប្រកាន់ថាបានប្រព្រឹត្តិឧក្រិ.ដ្ឋកម្មសង្គ្រាម។
លោកថ្លែងថាជាកិត្តិយសរបស់លោកដែលបានក្លាយជានាយករដ្ឋមន្ត្រីអូស្ត្រាលីដំបូងបង្អស់ដែលធ្វើដំណើរទៅកាន់ប្រទេសអ៊ុយក្រែន ហើយដំណើរទស្សនៈកិច្ចរបស់លោកនឹងបង្ហាញយ៉ាងច្បាស់ដល់ពិភពលោកនូវសាមគ្គីភាពដែលមានរវាងអូស្ត្រាលី និងប្រជាជនអ៊ុយក្រែន។
លោក Anthony Albanese បានធ្វើដំណើរទៅកាន់ប្រទេសអ៊ុយក្រែន បន្ទាប់ពីជួបពិភាក្សាជាមួយនឹងប្រធានាធិបតីបារាំង Emmanuel Macron ក្នុងទីក្រុង Paris នៅថ្ងៃសុក្រកន្លងទៅនេះ៕ (យោងតាមប្រភព៖ Agencies)
ចែករំលែកព័តមាននេះ