កប៉ាល់រុស្ស៊ីលួចដឹកគ្រាប់ធុញ្ញជាតិអ៊ុយក្រែន ត្រូវប្រទេសមួយឃាត់បាន
អ៊ុយក្រែន ៖ អាជ្ញាធរគយអ៊ុយក្រែនបានឃាត់ និងចាប់កប៉ាល់មួយគ្រឿងរបស់រុស្ស៊ីដែលដឹកគ្រាប់
អ៊ុយក្រែន ៖ អាជ្ញាធរគយអ៊ុយក្រែនបានឃាត់ និងចាប់កប៉ាល់មួយគ្រឿងរបស់រុស្ស៊ីដែលដឹកគ្រាប់ធុញ្ញជាតិរាប់តោន ដែលអ៊ុយក្រែនថាលួចពីខ្លួន។ នេះបើយោងតាមការបញ្ជាក់របស់លោក Vasyl Bodnar ឯកអគ្គរដ្ឋទូតអ៊ុយក្រែនប្រចាំប្រទេសតួកគី។
លោកថ្លែងតាមកញ្ចក់ទូរទស្សន៍ជាតិអ៊ុយក្រែនកាលពីថ្ងៃអាទិត្យថា «យើងមានកិច្ចសហប្រតិបត្តិការពេញលេញ។ កប៉ាល់នោះបច្ចុប្បន្ន កំពុងស្ថិតនៅច្រកចូលកំពង់ផែ។ វាត្រូវបានឃាត់ដោយអាជ្ញាធរគយតួកគី»។
លោកបន្ថែមថា ជោគវាសនារបស់កប៉ាល់នោះនឹងត្រូវសម្រេចនៅក្នុងកិច្ចប្រជុំរបស់ក្រុមស៊ើបអង្កេតនៅថ្ងៃច័ន្ទ ទី ៤ កក្កដានេះ។
សូមបញ្ជាក់ថា អ៊ុយក្រែនបានចោទរុស្ស៊ីថាបានលួចគ្រាប់ធុញ្ញជាតិរបស់ខ្លួនរាប់តោនពីតំបន់ដែលចូលកាន់កាប់ដោយកងទ័ពរុស្ស៊ីចាប់តាំងពីមានការឈ្លានពាននៅចុងខែកុម្ភៈមក ប៉ុន្តែវិមានក្រឹមឡាំងរបស់រុស្ស៊ីបដិសេធរាល់ការចោទប្រកាន់នោះ។
កាលពីពេលថ្មីៗនេះ មន្ត្រីអ៊ុយក្រែនលើកឡើងថាកប៉ាល់មានដោតទង់ជាតិរុស្ស៊ីបានដឹកគ្រាប់ធុញ្ញជាតិរបស់អ៊ុយក្រែនជាង ៧.០០០តោនឆ្ពោះទៅកំពុងផែក្នុងប្រទេសតួកគី (យោងតាមប្រភព៖ Aljazeera)
ចែករំលែកព័តមាននេះ