នាងឡេឌី ហ្កាហ្កា តារាចម្រៀងជនជាតិអាមេរិកអាយុ៣០ឆ្នាំ បង្ហើបឱ្យដឹងពីអាថ៌បាំងរបស់ខ្លួនថា បច្ចុប្បន្ននាងនៅបៀមជាប់ក្នុងចិត្តចំពោះភាពក្រៀមកដែលត្រូវគេចាប់រំលោ.ភកាលពីអាយុ១៩ឆ្នាំ ។
នាងឡេឌី ហ្កាហ្កា តារាចម្រៀងជនជាតិអាមេរិកអាយុ៣០ឆ្នាំ បង្ហើបឱ្យដឹងពីអាថ៌បាំងរបស់ខ្លួនថា បច្ចុប្បន្ននាងនៅបៀមជាប់ក្នុងចិត្តចំពោះភាពក្រៀមកដែលត្រូវគេចាប់រំលោភកាលពីអាយុ១៩ឆ្នាំ ។
សារព័ត៌មានបរទេស កាលពីថ្ងៃទី៦ ធ្នូ ២០១៦ ផ្សាយថា ឡេឌី ហ្កាហ្កា បានបង្ហើបឱ្យដឹងក្នុងកម្មវិធី «To day» របស់ស្ថានីយទូរទស្សន៍ «NBC» ថា នាងនៅមានជំងឺផ្លូវចិត្ត «Post traumatic Stres Disorder» មូលហេតុកើតឡើងដោយសាររំលោភនៅអាយុ១៩ឆ្នាំ ។
នាងឡេឌី ហ្កាហ្កា ឱ្យដឹងពីអាថ៌កំបាំងរបស់ខ្លួន ខណៈពេលធ្វើដំណើរទៅសួរសុខទុក្ខជនគ្មានទីជម្រកវ័យក្មេងចម្រុះជាតិសាសន៍នៅក្រុងញូវយ៉ក ។ នាងបញ្ជាក់ថា នាងកើតរោគផ្លូវចិត្ត និងព្យាយាមតស៊ូដើម្បីជីវិត ។
ការបង្ហាញខ្លួនរបស់នាងឡេឌី ហ្កាហ្កា ព្រោះនាងជាផ្នែកមួយនៃគម្រោងឃោសនាដើម្បីបង្កើតភាពមេត្តា ករុណាដល់ពលរដ្ឋរងគ្រោះ ដោយនាងបញ្ជាក់ថា ការមានក្តីករុណា ដែលបានទទួលពីគ្រូពេទ្យ ក្រុមគ្រួសារ និងមិត្តភក្តិ ទើបធ្វើឱ្យនាងមានភាពល្អប្រសើរដល់ពេលបច្ចុប្បន្ន ៕
ចែករំលែកព័តមាននេះ