កាមេរ៉ាសុវត្ថិភាពថ្មីរបស់ Blink គ្មានខ្សែ
Blink ទើបតែបានប្រកាសពីផលិត ផលថ្មីរបស់ខ្លួនសម្រាប់ដាក់លក់ក្នុងទីផ្សារ បច្ចេកវិទ្យា កាមេរ៉ាសុវត្ថិភាព ។ កាមេរ៉ាថ្មីនេះឈ្មោះថា Blink XT ដែលជាប្រភេទ កាមេរ៉ា សុវត្ថិភាពដែលគ្មានខ្សែ
Blink ទើបតែបានប្រកាសពីផលិត ផលថ្មីរបស់ខ្លួនសម្រាប់ដាក់លក់ក្នុងទីផ្សារ បច្ចេកវិទ្យា កាមេរ៉ាសុវត្ថិភាព ។ កាមេរ៉ាថ្មីនេះឈ្មោះថា Blink XT ដែលជាប្រភេទ កាមេរ៉ា សុវត្ថិភាពដែលគ្មានខ្សែ
ក្រុមហ៊ុនBlink ទើបតែបានប្រកាសពីផលិត ផលថ្មីរបស់ខ្លួនសម្រាប់ដាក់លក់ក្នុងទីផ្សារ បច្ចេកវិទ្យា កាមេរ៉ាសុវត្ថិភាព ។ កាមេរ៉ាថ្មីនេះឈ្មោះថា Blink XT ដែលជាប្រភេទ កាមេរ៉ា សុវត្ថិភាពដែលគ្មានខ្សែ ។ វាត្រូវបានគេទទួលស្គាល់ថា ជាការមេរ៉ាសុវត្ថិភាពដែលមានទំហំតូច និងមានតម្លៃថោកសមរម្យ ហើយចំណុចពិសេសរបស់វាគឺថ្មរក្សាថាមពលបានដល់ទៅពីរឆ្នាំ ព្រោះថ្មនោះជាប្រភេទថ្មLithium AAs ។ លើសពីនេះទៅទៀតBlink XT បានបំពាក់បច្ចេកវិទ្យាការពារទឹក និងបច្ចេកវិទ្យាសម្រាប់បើពេលរាត្រីផងដែរ ។ វាមានបំពាក់កាមេរ៉ា១០៨០p ។
ដោយសារតែជាប្រភេទកាមេរ៉ាសុវត្ថិភាពគ្មានខ្សែ លោកអ្នកអាចដាក់វានៅទីតាំង ដែលអ្នកចង់បាន ឬអាចដាក់វានៅកន្លែងអាថ៌កំបាំងពីភ្នែកគេផងដែរ ។ តែទោះជាវា អាចដាក់នៅគ្រប់ទីកន្លែងណាក្តី ក៏ត្រូវស្ថិតក្នុងរង្វង់ដំណើរការWifi របស់អ្នកផងដែរ ។ បើពុំដូច្នេះទេ អ្នកមិនអាចប្រើប្រាស់ទូរស័ព្ទរបស់អ្នកដើម្បីមើលទៅទីតាំងដែលបានដាក់បានទេ ។
ភ្នែកកាមេរ៉ាដែលអាចថតទីតាំងបានទំហំ១១០អង្សា សម្រាប់ម៉ូដែលBlink XT ដែលបំពាក់ក្នុងផ្ទះនោះមានតម្លៃតែ៩៩ដុល្លារទេ។ ជាងនេះទៅទៀតក្រុមហ៊ុន Blink នឹងផ្តល់សេវាស្តុកទិន្នន័យលើCloud ដោយឥតគិតថ្លៃ។ វាក៏អាចរក្សាសកម្មភាពផ្សេងៗ ឬ Clipsក្នុងរយៈពេលចាប់ពី៥ទៅ៦០វិនាទី ។ កាមេរ៉ាសុវត្ថិភាពរបស់ក្រុមហ៊ុន Blink អាចដំណើរការជាមួយប្រព័ន្ធIOS និងប្រព័ន្ធAndroid បាន ដោយគ្រាន់តែដោនឡូតដោយ ឥតគិតថ្លៃនូវApp របស់Blink ជាការស្រេច ។
កាមេរ៉ាសុវត្ថិភាពBlink XT នេះបានចាប់ផ្តើមឲ្យបញ្ជាទិញមុនហើយ តែក្រុមហ៊ុននឹងចាប់ផ្តើមដឹកជញ្ជូននៅខែកុម្ភៈឯនោះ ៕
ចែករំលែកព័តមាននេះ