សមាជិកសភាហុងកុងម្នាក់ឆ្លងកូវីដ ក្រោយថតរូបជាមួយប្រធានាធិបតីលោកស៊ី ជីនពីង
ហុងកុង ៖ សមាជិកសភាហុងកុងម្នាក់ដែលថតរូបជាក្រុមជាមួយប្រធានាធិបតីចិន Xi Jinping
ហុងកុង ៖ សមាជិកសភាហុងកុងម្នាក់ដែលថតរូបជាក្រុមជាមួយប្រធានាធិបតីចិន Xi Jinping
ហុងកុង ៖ សមាជិកសភាហុងកុងម្នាក់ដែលថតរូបជាក្រុមជាមួយប្រធានាធិបតីចិន Xi Jinping បានបញ្ជាក់កាលពីថ្ងៃអាទិត្យ ទី៣ កក្កដា ថាលោកឆ្លងកូវីដ ១៩។
លោក Xi Jinping បានធ្វើដំណើរមកកាន់ទីក្រុងហុងកុងកាលពីថ្ងៃព្រហស្បតិ៍កន្លងទៅនេះដើម្បីរម្លឹកខួបលើកទី ២៥នៃការបានទឹកដីហុងកុងពីអង់គ្លេសវិញ។ នោះគឺជាដំណើរទស្សនៈកិច្ចលើកដំបូងរបស់លោកចេញក្រៅប្រទេសចិន ចាប់តាំងពីមានការផ្ទុះកូវីដមក។
សមាជិកសភាហុងកុងលោក Steven Ho វ័យ ៤២ឆ្នាំ គឺជាមនុស្សម្នាក់ក្នុងចំណោមមនុស្សប្រហែល ១០០នាក់ដែលបាននៅជិតលោក Xi Jinping សម្រាប់ការរថតរូបរួមគ្នាកាលពីថ្ងៃព្រហស្បតិ៍កន្លងទៅនេះ។
លោកធ្វើតេស្តមិនមានកូវីដ ១៩នោះទេនៅថ្ងៃដំបូងនៃដំណើរទស្សនៈកិច្ចរបស់មេដឹកនាំចិន ប៉ុន្តែធ្វើតេស្តទៀតនៅថ្ងៃសុក្រ។
លោក Steven Ho និយាយក្នុងសេចក្តីប្រកាសនៅលើប្រព័ន្ធផ្សព្វផ្សាយសង្គមថា លោកមិនបានចូលរួមក្នុងព្រឹត្តិការណ៍ណាមួយឡើយនៅថ្ងៃសុក្រ បន្ទាប់ពីលទ្ធផលធ្វើតេស្តមិនច្បាស់លាស់។
សូមបញ្ជាក់ថាលោក Steven Ho គឺជាសមាជិកសភាទី ២រូបមកពីគណបក្ស DAB របស់ហុងកុងដែលធ្វើតេស្តវិជ្ជមានកូវីដ ជុំវិញដំណើរទស្សនៈកិច្ចរបស់មេដឹកនាំចិន។
លោក Tam Yiu-chung អ្នកតំណាងហុងកុងប្រចាំស្ថាប័ននិតិប្បញ្ញតិ្តកំពូលរបស់ទីក្រុងប៉េកាំង បានធ្វើតេស្តមានកូវីដ ១៩ កាលពីថ្ងៃព្រហស្បតិ៍កន្លងទៅនេះ ហើយលោកអវត្តមានពីព្រឹត្តិការណ៍ទាំងអស់៕ (យោងតាមប្រភព៖ AFP)
ចែករំលែកព័តមាននេះ