ក្រុងព្រះសីហនុ ៖ មានករណីកា.ប់ប្ល.ន់ប៉ងយករថយន្តតាក់ស៊ីមិនបានសម្រេច តែបានបង្កឲ្យតៃកុងរថយន្តរងបួសឈាមស្រោចពេញប្រាណ ខណៈសមត្ថកិច្ចចាប់បានជនសង្ស័យម្នាក់ និង២នាក់ទៀតកំពុងភៀសខ្លួន និងយកទូរស័ព្ទដៃជនរងគ្រោះចំនួន០២គ្រឿងទៅតាមខ្លួនផងដែរ ។ហេតុការណ៍នេះ បានកើតឡើងកាលពីវេលាម៉ោង១០ និង៣០យប់ថ្ងៃទី០២ ខែកក្កដា ឆ្នាំ២០២២ ស្ថិតនៅក្បែរតារាងបាល់ជេក ភូមិ៥ សង្កាត់៤ ក្រុង/ខេត្តព្រះសីហនុ ។
ប្រភពពីជនរងគ្រោះដែលជាម្ចាស់រថយន្តឈ្មោះ ឆៀ សុភ័ណ្ឌ ភេទប្រុស អាយុ៤២ឆ្នាំ មានស្រុកកំណើតនៅខេត្តព្រៃវែង មុខរបររត់តាក់សុី បានប្រាប់អ្នកយកព័ត៌មានថា នៅមុនពេលកើតហេតុ
មានភ្ញៀវដែលក្រុមជនសង្ស័យចំនួន០៣នាក់ ភេទប្រុស ជាជនជាតិខ្មែរ បានម៉ៅរថយន្តគាត់ ពីផ្សារថ្មីរាជធានីភ្នំពេញ ឆ្ពោះមកខេត្តព្រះសីហនុ ក្នុងតម្លៃ៧០ដុល្លារ ក៏ឯកភាពព្រមព្រៀងគ្នាឡើងរថយន្ត ។
លុះមកដល់ក្រុងព្រះសីហនុ ភ្ញៀវដែលជាជនសង្ស័យទាំង៣នាក់ខាងលើ ក៏បានឲ្យម្ចាស់តាក់សុីឈប់សិនដោយប្រាប់ថា ឈប់មួយភ្លេតខ្ញុំចាំគ្នាមកយក ខណៈពេលដែលកន្លែងឈប់នោះផ្លូវរៀងតូចនិងយប់ស្ងាត់ផង ពួកគេទាំងបីនាក់ក៏បានធ្វើសកម្មភាពចាប់គ្រៀក.កម្ចាស់រថយន្ត និងយកកាំ.បិតកា.ប់ បណ្តាលឲ្យរងរបួស ។ ក្រោយពីបានបង្កភ្ញាក់ផ្អើលបែបនេះ ពួកគេប្លន់យកទូរស័ព្ទពីជនរងគ្រោះបានចំនួន០២គ្រឿង ប៉ុន្តែប្លន់យករថយន្តមិនបានសម្រេចទេ ។
ក្រោយពេលកើតហេតុភ្លាមៗ សមត្ថកិច្ចក៏បានចុះអន្តរាគមន៍ភ្លាមៗ ហើយជនសង្ស័យទាំង៣
នាក់ បានធ្វើសកម្មភាពរត់ចែករត់ជើងគ្នា ប៉ុន្តែត្រូវបានសមត្ថកិច្ចតាមចាប់បានម្នាក់ភ្លាមៗ។
បច្ចុប្បន្ន សមត្ថកិច្ចជំនាញកំពុងតែស្រាវជ្រាវស្វែងរកមុខជនសង្ស័យតាមភិនភាគជាបន្តទៀត ដោយគ្មានការលើកឡេងឡើយចំពោះជនណាដែលបង្កអសន្តិសុខសង្គមបែបនេះ ៕
ចែករំលែកព័តមាននេះ