បេឡារុសអាចនឹងចូលរួមក្នុងសង្គ្រាមដោយផ្ទាល់ប្រឆាំងអ៊ុយក្រែនក្នុងពេលឆាប់ៗនេះ
អ៊ុយក្រែន ៖ ប្រធានាធិបតីបេឡារុស លោក Alexander Lukashenko បានប្រកាសឈរនៅពីក្រោយរុស្ស៊ី
អ៊ុយក្រែន ៖ ប្រធានាធិបតីបេឡារុស លោក Alexander Lukashenko បានប្រកាសឈរនៅពីក្រោយរុស្ស៊ីយ៉ាងពេញទំហឹងប្រឆាំងនឹងអ៊ុយក្រែន។
ថ្លែងនៅក្នុងពិធីរម្លឹកខួបនៃការរំដោះបេឡារុសចេញពីសង្គ្រាមលោកលើកទី ២ដោយកងទ័ពរុស្ស៊ី មេដឹកនាំបេឡារុស្សប្រកាសគាំទ្រយុទ្ធនាការរបស់រុស្ស៊ីប្រឆាំងនឹងអ៊ុយក្រែនចាប់តាំងពីថ្ងៃដំបូងនៅចុងខែកុម្ភៈ។
លោក Alexander Lukashenko គឺជាសម្ព័ន្ធមិត្តចាក់ទឹកមិនលេចរបស់ប្រធានាធិបតីរុស្ស៊ី Vladimir Putin។ លោកកាន់តំណែងជាប្រធានាធិបតីបេឡារុសចាប់តាំងពីឆ្នាំ ១៩៩៤មក។
«ថ្ងៃនេះ យើងត្រូវបានរិះគន់ថាជាប្រទេសមួយក្នុងលោកដែលគាំទ្ររុស្ស៊ីក្នុងការប្រយុទ្ធប្រឆាំងនឹងពួណាស៊ី (Nazism)។ យើងគាំទ្រ និងបន្តគាំទ្ររុស្ស៊ី»។ នេះជាការថ្លែងរបស់លោក Lukashenko កាលពីថ្ងៃអាទិត្យ ទី ៣ ខែកក្កដាម្សិលមិញនេះ និងត្រូវបានចុះផ្សាយដោយទីភ្នាក់ងារសារព័ត៌មានរដ្ឋ BelTA។
លោកថ្លែងថា «អ្នកដែលរិះគន់យើង ពួកគេមិនបានដឹងទេថា យើងមានសម្ព័ន្ធភាពយ៉ាងជិតស្និទបែបនេះជាមួយសហព័ន្ធរុស្ស៊ី? ជាក់ស្តែងយើងមានកងទ័ពបង្រួបបង្រួម។ ប៉ុន្តែអ្នកដឹងរឿងទាំងនេះ។ យើងនឹងបន្តនៅជាមួយនឹងបងប្អូនរុស្ស៊ី»។
ប្រធានាធិបតីអ៊ុយក្រែនលោក Volodymyr Zelenskyy និយាយថា ការប្រកាសរបស់មេដឹកនាំបេឡារុសជាសញ្ញា ដោយសកម្មភាពរបស់មេដឹកនាំរូបនោះត្រូវឃ្លាំមើលដោយការប្រុងប្រយ័ត្ន។
មន្ត្រីអ៊ុយក្រែនជាច្រើនបានលើកឡើងថា បេឡារុសអាចនឹងចូលរួមក្នុងសង្គ្រាមដោយផ្ទាល់ក្នុងពេលឆាប់ៗនេះ៕ (យោងតាមប្រភព៖ Aljazeera)
ចែករំលែកព័តមាននេះ