ផែនការបញ្ជូននាវាប្រណីតលោក Bezos ចូលមហាសមុទ្រ ត្រូវផ្អាក ដោយសារបញ្ហានេះ
ហូឡង់ ៖ ផែនការរុះរើស្ពានប្រវត្តិសាស្ត្ររបស់ប្រទេសហូឡង់ ដើម្បីអនុញ្ញាតឱ្យនាវាដ៏ប្រណីតថ្មីរបស់
ហូឡង់ ៖ ផែនការរុះរើស្ពានប្រវត្តិសាស្ត្ររបស់ប្រទេសហូឡង់ ដើម្បីអនុញ្ញាតឱ្យនាវាដ៏ប្រណីតថ្មីរបស់
ហូឡង់ ៖ ផែនការរុះរើស្ពានប្រវត្តិសាស្ត្ររបស់ប្រទេសហូឡង់ ដើម្បីអនុញ្ញាតឱ្យនាវាដ៏ប្រណីតថ្មីរបស់នាយកប្រតិបត្តិក្រុមហ៊ុន Amazon លោក Jeff Bezos ឆ្លងកាត់ពីកន្លែងផលិតកប៉ាល់ទៅកាន់ផ្ទៃមហាសមុទ្រត្រូវបានផ្អាក។ បន្ទាប់ពីផ្ទុះមានការតវ៉ាជាសាធារណៈយ៉ាងខ្លាំងពីប្រជាជននៅទីនោះ។ នេះបើយោងតាមប្រភពពី Daily Mail ចេញផ្សាយកាលពីថ្ងៃទី១ ខែកក្កដា ឆ្នាំ២០២២។
Oceanco ដែលជាក្រុមហ៊ុនផលិតកប៉ាល់ មានមូលដ្ឋាននៅទីក្រុង Alblasserdam ភាគខាងលិចប្រទេសហូឡង់។ ដែលបច្ចុប្បន្នកំពុងសាងសង់នាវាដ៏ប្រណីតរបស់មហាសេដ្ឋីអាមេរិក Jeff Bezos បានប្រកាសក្នុងសេចក្តីថ្លែងការណ៍មួយថា ខ្លួននឹងបញ្ឈប់ជាបណ្តោះអាសន្ននូវផែនការដឹកជញ្ជូននាវា ដើម្បីរុះរើស្ពាន Koningshavenbrug ដ៏ល្បីល្បាញនៅទីក្រុង Rotterdam ដែលត្រូវបានគេស្គាល់ថា «De Hef» ដើម្បីអនុញ្ញាតឱ្យនាវាលោក Bezos តម្លៃជិត៥០០លានដុល្លារ ដែលមានក្តោងដ៏ខ្ពស់ចំនួន៣ ឆ្លងកាត់។ ខណៈតាមការគ្រោងទុក នាវាដ៏ប្រណីតមួយនេះ នឹងបញ្ចប់ការសាងសង់ជាស្ថាពរនៅឆ្នាំ ២០២២ នេះតែម្តង។
យោងតាមប្រភពពី NL Times បានឱ្យដឹងថា Oceanco បានទទួលរបាយការណ៍ពីអ្នកស្រុកដែលកំពុងខឹងសម្បារលើផែនការនេះ។ ដោយព័ត៌មានបានផ្ទុះឡើងកាលពីខែកុម្ភៈ ដែលបណ្តាលឱ្យមនុស្សជិត៤,០០០នាក់ ចាប់ផ្តើមអំពាវនាវឱ្យអ្នកស្រុក Rotterdam ត្រៀមបោះស៊ុតស្អុយលើនាវាថ្មីរបស់លោក Bezos។
អ្នកសាងសង់នាវារបស់លោក Bezos ម្នាក់ បានអះអាងថា ការភ័.យខ្លា.ចនៃការបំផ្លិចបំផ្លាញបានបន្តកើតមាន ខណៈអ្នកស្រុកជាច្រើនមានការខឹងសម្បារចំពោះការរុះរើស្ពាន ដែលត្រូវបានសាងសង់ឡើងលើទន្លេ Nieuwe Maas នៅក្នុងឆ្នាំ ១៩២៧ ហើយត្រូវបានជួសជុលឡើងវិញនៅឆ្នាំ ២០១៧ មួយនេះ៕
ចែករំលែកព័តមាននេះ