សម្ដេច ស ខេង បណ្ដេញអនុប្រធាននាយកដ្ឋាន អត្តសញ្ញាណប័ណ្ណសញ្ជាតិខ្មែរ១រូប ចេញពីក្របខ័ណ្ឌនគរបាលជាតិ
- ភ្នំពេញ
រាជធានីភ្នំពេញ ៖ បន្ទាប់ពីស្រាវជ្រាវរកឃើញពីកំហុសល្មើស សម្ដេចក្រឡាហោម ស ខេង ឧបនាយក
រាជធានីភ្នំពេញ ៖ បន្ទាប់ពីស្រាវជ្រាវរកឃើញពីកំហុសល្មើស សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានសម្រេចបណ្តេញចេញលោក សឿ សុថា អនុប្រធាននាយកដ្ឋាន អត្តសញ្ញាណប័ណ្ណសញ្ជាតិខ្មែរពីក្របខ័ណ្ឌនគរបាលជាតិ ក្រោមមូលហេតុ «ល្មើសវិន័យរបស់កងកម្លាំងនគរបាលជាតិ»។
យោងតាមប្រកាសស្តីពីការបណ្ដេញចេញពីក្របខ័ណ្ឌមន្ត្រីនគរបាលជាតិ ចុះហត្ថលេខាដោយសម្ដេចក្រឡាហោម ស ខេង ឧបនាយករដ្ឋមន្ត្រីរដ្ឋមន្ត្រីក្រសួងមហាផ្ទៃកាលពីពេលថ្មីៗកន្លងមកនេះបានបញ្ជាក់ថា «ត្រូវបានអនុវត្តវិន័យចំពោះលោក សឿ សុថា អត្តលេខ ០១១៥២ អនុប្រធាននាយកដ្ឋាន អត្តសញ្ញាណប័ណ្ណសញ្ជាតិខ្មែរ នៃអគ្គនាយកដ្ឋាន អត្តសញ្ញាណកម្មក្រោមរូបភាពដកហូតមុខតំណែង និងបណ្ដេញចេញពីក្របខ័ណ្ឌមន្ត្រីនគរបាលជាតិ។ មូលហេតុល្មើសវិន័យរបស់កងកម្លាំងនគរបាលជាតិ»។
សេចក្តីសម្រេចនេះក៏បានលើកឡើងបន្តទៀតថា ប្រាក់បៀវត្ស និងរបបឧបត្ថម្ភផ្សេងៗ ត្រូវបានកាត់ផ្តាច់ និងលុបចេញពីក្របខ័ណ្ឌមន្ត្រីនគរបាលជាតិចាប់ពីថ្ងៃខែចុះហត្ថលេខាតទៅ ហើយបទប្បញ្ញត្តិទាំងឡាយណាដែលផ្ទុយនឹងប្រកាសនេះត្រូវទុកជានិរាករណ៍៕
ចែករំលែកព័តមាននេះ