ខេត្តមណ្ឌលគិរី ៖ សេចក្តីរាយកការណ៏មួយបានឲ្យដឹងថា នៅវេលាម៉ោង១៦និង០០នាទីថ្ងៃទី០១ ខែកក្កដានៅចំណុចភូមិពូតាំង សង្កាត់រមនា ក្រុងសែនមនោរម្យ ខេត្តមណ្ឌលគិរី មានករណីប្រទះឃើញជនជាតិបរទេសម្នាក់ស្លា.ប់ ។…
ខេត្តមណ្ឌលគិរី ៖ សេចក្តីរាយកការណ៏មួយបានឲ្យដឹងថា នៅវេលាម៉ោង១៦និង០០នាទីថ្ងៃទី០១ ខែកក្កដានៅចំណុចភូមិពូតាំង សង្កាត់រមនា ក្រុងសែនមនោរម្យ ខេត្តមណ្ឌលគិរី មានករណីប្រទះឃើញជនជាតិបរទេសម្នាក់ស្លា.ប់ ។ ជនរងគ្រោះឈ្មោះ ALIANCHE Iris ភេទស្រី អាយុ៤៦ឆ្នាំ ជនជាតិបារាំង មុខរបរជាគ្រូបង្រៀនតាមអនឡាញ ស្នាក់នៅបណ្ដោះអាសន្នភូមិសង្កាត់កើតហេតុខាងលើ ។
ក្រោយពីទទួលបានព័ត៌មាននេះភ្លាម ខាងកម្លាំងជំនាញការិយាល័យបច្ចេកទេសវិទ្យាសាស្ត្រ សហការជាមួយកម្លាំងអធិការដ្ឋាននគរបាលក្រុងសែនមនោរម្យ និង ក្រុមគ្រូពេទ្យជំនាញនៃមន្ទីរពេទ្យបង្អែក សែនមនោរម្យ ព្រមទាំងមានការដឹកនាំសម្របសម្រួលពីលោក មាស វឌ្ឍនា ព្រះរាជអាជ្ញារងអមសាលាដំបូងខេត្តមណ្ឌលគិរី បានចុះទៅពិនិត្យកន្លែងកើតហេតុ ។
ក្រោយពិនិត្យវិភាគកន្លែងកើតហេតុ និងសាកសពយ៉ាងយកចិត្តទុកដាក់ពីសមត្ថកិច្ចជំនាញ និងក្រុមគ្រូពេទ្យ បានសន្និដ្ឋានថាសាកសពជនរងគ្រោះ បានស្លា.ប់ដោយសារជំងឺប្រចាំកាយ (ជំងឺហឺត)។ យោងតាមការបំភ្លឺពីម្ដាយនៃស.ពបានបញ្ជាក់ដែរថា កូនស្រីរបស់គាត់មានជំងឺហឺត និងប្រើប្រាស់ថ្នាំហឺតជាយូរឆ្នាំណាស់មកហើយ ព្រមទាំងផឹកស្រា ជក់បារីជាប្រចាំផងដែរ ។ ក្រោយពិនិត្យ កម្លាំងក៏បានប្រគល់ស.ពជូនក្រុមគ្រួសារ ដើម្បីទទួលយកទៅតំកល់ទុកធ្វើបុណ្យតាមប្រពៃណី ៕
ចែករំលែកព័តមាននេះ