ខេត្តកំពង់ចាម ៖ វីដេអូដែលបង្ហោះតាមបណ្តាញសង្គម ករណីធ្វើទារុណកម្មលើក្មេងប្រុសតូចអាយុ២ឆ្នាំ ដោយជនជាតិវៀតណាមនោះ ត្រូវបានគេចែករំលែកតៗគ្នាពីម្នាក់ទៅម្នាក់យ៉ាងភ្ញាក់ផ្អើល និងក្តៅក្រហាយទៅលើជនបង្កនោះ ។
ខេត្តកំពង់ចាម ៖ វីដេអូដែលបង្ហោះតាមបណ្តាញសង្គម ករណីធ្វើទារុណកម្មលើក្មេងប្រុសតូចអាយុ២ឆ្នាំ ដោយជនជាតិវៀតណាមនោះ ត្រូវបានគេចែករំលែកតៗគ្នាពីម្នាក់ទៅម្នាក់យ៉ាងភ្ញាក់ផ្អើល និងក្តៅក្រហាយទៅលើជនបង្កនោះ ។
នៅទីបំផុត អង្គការCPU ទទួលរ៉ាប់រងការពារកុមាររបស់អូស្ត្រាលី បានបើកការស៊ើបអង្កេតជាបន្ទាន់ សហការជាមួយនឹងសមត្ថកិច្ច ផងដែរ ។ គិតមកដល់ត្រឹមវេលាម៉ោង០៦ និង៣០នាទីល្ងាចថ្ងៃទី០៦ ធ្នូ ស្ថិតត្រង់ចំណុចសណ្ឋាគារមេគង្គ ក្នុងសង្កាត់កំពង់ចាម ក្រុងកំពង់ចាម ក៏បានឃាត់ខ្លួនជនសង្ស័យ៣នាក់ (ជាបក្សពួក) យកមកសួរនាំទៅស្នងការដ្ឋាននគរបាលខេត្ត ដើម្បីតាមរកដៃដល់ ជាជនជាតិវៀតណាមរូបនោះ ។
មន្ត្រីនគរបាលព្រហ្មទណ្ឌកំរិតធ្ងន់ខេត្តប្រាប់ឱ្យដឹងថា តំបូងមានបណ្តាញសង្គម ត្រូវបានគេបង្ហោះពីវីដេអូសកម្មភាពធ្វើទារុណកម្មដោយជនជាតិវៀតណាមម្នាក់ ធ្វើទៅលើក្មេងប្រុសអាយុ២ឆ្នាំនៅខេត្តមណ្ឌលគិរី កាលពពីថ្ងៃទី០៥ ធ្នូ ហើយត្រូវបានប្រជាពលរដ្ឋដែលនិយមលេងហ្វេសបុកនោះ បាននាំគ្នាស៊ែរ ពីមួយទៅមួយ ពាសពេញប្រទេសកម្ពុជាតែម្តង ។
ដំណឹងនេះ ដល់អង្គការ CPU ក៏បានស្នើមកលោកឧត្តមសេនីយ៍ត្រី ឯម កុសល ស្នងការគរបាលខេត្តកំពង់ចាម ត្រូវធ្វើការស៊ើបអង្កេតជាបន្ទាន់ ។ មន្ត្រីនគរបាលព្រហ្មទណ្ឌកំរិតធ្ងន់ខេត្តប្រាប់បន្តថា ក្នុងពេលដែលសមត្ថកិច្ចបានស្រាវជ្រាវដឹងថា ក្រុមជនសង្ស័យ កំពុងតែនៅចំណុចសណ្ឋាគារមេគង្គ ជិតមាត់ទន្លេនោះ ក៏មានការចូលរួមពីកម្លាំងព្រហ្មទណ្ឌកំរិតស្រាលខេត្ត បានចុះទៅឡោមព័ទ្ធ ដោយបានហៅជនសង្ស័យ៣នាក់ ក្នុងនោះរួមមាន ១-ឈ្មោះលី ហេង ភេទប្រុស អាយុ៥៣ឆ្នាំ ជនជាតិខ្មែរ-ហូឡង់ មានស្រុកកំណើតនៅទីក្រុងរ៉ូទធីដាម ប្រទេសហូឡង់ មានទីលំនៅក្នុងភូមិទី៥ សង្កាត់បឹងកេងកងទី១ ខណ្ឌចំការមន រាជធានីភ្នំពេញ ។ ២-ឈ្មោះអឿ ណាត ភេទប្រុស អាយុ២៥ឆ្នាំ ជាថៅកែរោងចក្រផលិតស្ករផង រស់នៅភូមិជាជ្រៃ ឃុំចំការអណ្តូង ស្រុកចំការលើ ខេត្តកំពង់ចាម ។ ៣-ឈ្មោះរ៉េត សុធី ភេទប្រុស អាយុ៣២ឆ្នាំ នៅភូមិជីរោទ៍ទី២ ឃុំជីរោទ៍ទី២ ស្រុកត្បូងឃ្មុំ ខេត្តត្បូងឃ្មុំរួមជាមួយនឹងរថយន្តម៉ាកនីស្សាន់១គ្រឿង ពាក់ស្លាកលេខភ្នំពេញ2AA-8807 ត្រូវបញ្ជូនមកកាន់ស្នងការដា្ឋននគរបាលខេត្ត ដើម្បីសួរនាំ ។
សមត្ថកិច្ចបានបញ្ជាក់ថា ជនដៃដល់ឈ្មោះង្វៀង តាំងដុង ភេទប្រុស អាយុ២៤ឆ្នាំ ជនជាតិវៀតណាម ដែលត្រូវជាសង្សាររបស់ឈ្មោះលី ហេង បានធ្វើទារុណកម្មមកលើក្មេងប្រុសខាងលើ ហើយថែមទាំងបានលួចយកហ្វេសបុករបស់ឈ្មោះលី ហេង ប្រើ
ដាក់ឈ្មោះ Stefan Struik លុះមកដល់ថ្ងៃទី០៦ ធ្នូ សមត្ថកិច្ចបានឃាត់ម្ចាស់ហ្វេសបុក Stefan Struik ដែលមានឈ្មោះពិត គឺ លី ហេង ភេទប្រុស អាយុ៥៣ឆ្នាំ រស់នៅត្រង់ចំណុចសណ្ឋាគារមេគង្គ រួមនឹងមនុស្សប្រុស២នាក់ទៀត ដែលជាអ្នកបម្រើការងារឱ្យជនជាតិហូឡង់នេះ ។
ជនជាតិវៀតណាម ដែលជាអ្នកធ្វើទារុណលើកុមារ គឺបានរត់គេចខ្លួនចូលទៅប្រទេសវៀតណាមបាត់ហើយ ពេលនេះសមត្ថកិច្ចកំពុងតែបន្តនីតិវិធី ដោយនាំខ្លួនជនទាំង៣នាក់ដែលឃាត់នោះ បញ្ជូនតាមរថយន្តទៅកាន់ខេត្តមណ្ឌលគិរីជាម្ចាស់ករណី ។ ហើយ
វីដេអូ ដែលប្រើប្រដាប់ឆក់ធ្វើទារុណកម្មលើក្មេងប្រុសនោះ បានកើតឡើងតាំងពី២ខែមុន ទើបតែបែកធ្លាយគេបង្ហោះតាមបណ្តាញសង្គម ទើបឈានដល់ការបង្ក្រាបតែម្តង ។
ចែករំលែកព័តមាននេះ