សារព័ត៌មាន «Qiuqiu» របស់ចិន កាលពីថ្ងៃទី៤ ធ្នូ ២០១៦ ផ្សាយថា លោកស៊ូ ជនជាតិចិន រស់នៅខេត្តហ៊ឺណាន បានបង្ហាញខ្លួនតាមស្ថានីយទូរទស្សន៍បកអាក្រាតពីភាពស្មោកគ្រោករបស់ប្រពន្ធដែលមានក្លិនជើងស្អុយ
សារព័ត៌មាន «Qiuqiu» របស់ចិន កាលពីថ្ងៃទី៤ ធ្នូ ២០១៦ ផ្សាយថា លោកស៊ូ ជនជាតិចិន រស់នៅខេត្តហ៊ឺណាន បានបង្ហាញខ្លួនតាមស្ថានីយទូរទស្សន៍បកអាក្រាតពីភាពស្មោកគ្រោករបស់ប្រពន្ធដែលមានក្លិនជើងស្អុយ ។
លោកស៊ូ បញ្ជាក់ថា បានប្រាប់ឱ្យប្រពន្ធលាងជើងជាញឹកញាប់ ប៉ុន្តែនាងមិនស្តាប់ ។ ក្លិនជើងរបស់នាងអាចធ្វើឱ្យមនុស្សនៅក្នុងរថយន្តក្រុងខ្យល់ចាប់ ។
លោកស៊ូ ស្នើឱ្យប្រពន្ធកែលម្អចំណុចមិនល្អនោះ ប៉ុន្តែនាងមិនធ្វើតាមហើយលោកចំអកថា ប្រហែលជានាងចង់ឱ្យលោកស្លាប់ ព្រោះតែដកដង្ហើមមិនរួច បន្ទាប់ពីទ្រាំរួមរស់នឹងគ្នាអស់រយៈពេល៧ឆ្នាំមកហើយ ។
ខណៈទូរទស្សន៍ថតរូបភាពលោកស៊ូបញ្ជាក់ថា ប្រពន្ធរបស់លោកគ្មានសណ្តាប់ធ្នាប់ទេរមែងបោះសម្លៀកបំពាក់ទុកនៅគ្រប់ទីកន្លែង ។ លោកស៊ូដើរទៅគ្រែ រួចបើកខ្នើយឡើងទាញយកស្រោមជើងរបស់ប្រពន្ធបង្ហាញទស្សនិកជន ។ បុរសរូបនេះនិយាយថា ជា រឿយៗលោកបានប្រាប់ឱ្យប្រពន្ធសំអាតផ្ទះជារៀងរាល់ថ្ងៃ ប៉ុន្តែនាងមិនព្រមស្តាប់ និងមិនព្រមកែប្រែអត្តចរិតទេ ។
ជារៀងរាល់លើកនៅពេលត្រឡប់ទៅផ្ទះវិញ លោកស៊ូត្រូវប្រឈមមុខនឹងក្លិនជើងរបស់ប្រពន្ធ។ នៅរដូវក្តៅពី៣ទៅ៥ថ្ងៃ ទើបប្រពន្ធងូតទឹកម្តង ហើយនាងសំអាតជើងតែក្នុងពេលងូតទឹកប៉ុណ្ណោះ ។
អ្នកយកព័ត៌មានសួរថា តើលោកចង់លែងលះមែនទេ? លោកស៊ូឆ្លើយថា«ចង់លែងលះ» ។
ទោះជាយ៉ាងណាក្តី ប្រពន្ធបញ្ជាក់ថាមិនចង់លែងលះទេ។ នាងរៀបរាប់ថា ពួកនាងគ្រាន់តែទាស់សម្តីគ្នាតិចតួច ប៉ុន្តែនាងមិនបានបញ្ជាក់ពីចំណុចអាក្រក់របស់ខ្លួនដែលប្តីបកអាក្រាតនោះទេ ។
ដោយមិនអាចកែប្រែការចង់លែងលះរបស់ប្តីបាន ទីបំផុតស្ត្រីជាប្រពន្ធក៏យល់ព្រមតាម ។
ប្រវត្តិស្នេហ៍របស់ប្តី-ប្រពន្ធលោកស៊ូ គឺពួកគេណាត់ជួបគ្នានៅហាងទំនិញមួយ ។
វីដេអូឃ្លីបដែលបង្ហាញពីរឿងនោះ មានមនុស្សចូលទស្សនាជាង៣០លាននាក់នៅលើពិភពលោក ៕
ចែករំលែកព័តមាននេះ