កូរ៉េខាងជើងបន្ទោសវត្ថុហោះចូលពីព្រំដែនកូរ៉េខាងត្បូងថាជាហេតុធ្វើឱ្យផ្ទុះកូវីដ
កូរ៉េខាងជើង ៖ ប្រទេសកូរ៉េខាងជើងបានអះអាងនៅថ្ងៃសុក្រ ទី១ កក្កដា នេះថា ការផ្ទុះជំងឺកូវីដ
កូរ៉េខាងជើង ៖ ប្រទេសកូរ៉េខាងជើងបានអះអាងនៅថ្ងៃសុក្រ ទី១ កក្កដា នេះថា ការផ្ទុះជំងឺកូវីដ
កូរ៉េខាងជើង ៖ ប្រទេសកូរ៉េខាងជើងបានអះអាងនៅថ្ងៃសុក្រ ទី១ កក្កដា នេះថា ការផ្ទុះជំងឺកូវីដ ១៩ជាលើកដំបូងដោយសារអ្នកជំងឺប៉ះពាល់នឹងវត្ថុមកពីខាងក្រៅនៅជិតព្រំដែនជាមួយកូរ៉េខាងត្បូង ដោយជាក់ស្តែងរបបកុម្មុយនិស្តនេះស្តីបន្ទោសប្រទេសជិតខាងថាជាអ្នកធ្វើឲ្យមានការផ្ទុះកូវីដក្នុងប្រទេសរបស់ខ្លួន។
បើយោងតាមលទ្ធផលស៊ើបអង្កេត កូរ៉េខាងជើងបញ្ជាឲ្យប្រជាជនត្រូវប្រុងប្រយ័ត្នចំពោះវត្ថុខាងក្រៅដែលហោះចូលប្រទេសខ្លួន និងបាតុភូតអាកាសធាតុ និងបាឡុងនៅតំបន់ខ្សែបន្ទាប់ព្រំដែន។ នេះបើយោងតាមការចុះផ្សាយរបស់ទីភ្នាក់ងារសារព័ត៌មានរដ្ឋ KCNA។
KCNA មិនបានលើកពីកូរ៉េខាងត្បូងដោយផ្ទាល់នោះទេ ប៉ុន្តែជនផ្តាច់ខ្លួនកូរ៉េខាងជើង និងសកម្មជនជាច្រើនបានធ្វើការបង្ហោះបាឡុងអស់រយៈពេលជាច្រើនទសវត្សរ៍មកហើយពីប្រទេសកូរ៉េខាងត្បូងចូលទៅក្នុងព្រំដែនកូរ៉េខាងជើង ដោយប៉េងប៉ោងនោះមានផ្ទុកខិត្តប័ណ្ឌ និងជំនួយមនុស្សធម៌។
ក្រសួងបង្រួបបង្រួមកូរ៉េខាងត្បូងដែលគ្រប់គ្រងលើកិច្ចការអន្តរកូរ៉េ បាននិយាយថាវាមិនអាចកើតឡើងនោះទេ ដែលវីរុសចូលទៅក្នុងកូរ៉េខាងជើងតាមរយៈខិត្តប័ណ្ឌដែលត្រូវបានបញ្ជូនឆ្លងកាត់ព្រំដែន។
បើយោងតាមការចុះផ្សាយរបស់ KCNA ទាហានវ័យ ១៨ឆ្នាំម្នាក់ និងកុមារថ្នាក់មត្តេយ្យអាយុ ៥ឆ្នាំម្នាក់ ដែលប៉ះពាល់នឹងរបស់មិនស្គាល់អត្តសញ្ញានៅលើភ្នំជុំវិញបន្ទាយ និងសង្កាត់លំនៅដ្ឋាន ស្ថិតនៅភាគខាងកើតនៃតំបន់ Kumgang កាលពីដើមខែមេសា មានបង្ហាញរោគសញ្ញា និងក្រោយមកត្រូវគេធ្វើតេស្តរកឃើញមានវីរុសកូរ៉ូណា។
KCNA បាននិយាយថា ករណីគ្រុនក្តៅផ្សេងទៀតដែលត្រូវបានរាយការណ៍ក្នុងប្រទេសរហូតដល់ពាក់កណ្តាលខែឧសភាគឺបណ្តាលមកពីជំងឺផ្សេងៗ ប៉ុន្តែវាមិនបានបញ្ជាក់លម្អិតនោះទេ។
«វាពិបាកក្នុងការជឿការអះអាងរបស់កូរ៉េខាងជើងតាមបែបវិទ្យាសាស្ត្រ ដោយសារលទ្ធភាពនៃមេរោគឆ្លងតាមរយៈវត្ថុមានកម្រិតទាប»។ នេះជាការថ្លែងរបស់លោក Yang Moo-jin សាស្ត្រាចារ្យនៅសកលវិទ្យាល័យសិក្សាពីកូរ៉េខាងជើងនៅទីក្រុងសេអ៊ូល៕ (យោងតាមប្រភព៖ Reuters)
ចែករំលែកព័តមាននេះ