អតីតប្រធានសន្តិសុខស្បថចូលកាន់តំណែងជាមេដឹកនាំហុងកុងថ្មី
ហុងកុង ៖ អតីតប្រធានសន្តិសុខហុងកុងលោក John Lee វ័យ ៦៤ឆ្នាំបានស្បថចូលកាន់តំណែងជា
ហុងកុង ៖ អតីតប្រធានសន្តិសុខហុងកុងលោក John Lee វ័យ ៦៤ឆ្នាំបានស្បថចូលកាន់តំណែងជាប្រធានប្រតិបត្តិថ្មីរបស់ហុងកុងនៅថ្ងៃសុក្រ ទី ១ ខែកក្កដានេះ។
ប្រធានាធិបតីចិនលោក Xi Jinping បានចូលរួមក្នុងពិធីចូលកាន់តំណែងរបស់មេដឹកនាំថ្មីហុងកុងថ្មីដែលជាអតីតប្រធានសន្តិសុខដែលគ្រប់គ្រងលើការឆ្លើយតបរបស់ប៉ូលីសចំពោះការតវ៉ាទ្រង់ទ្រាយធំក្នុងឆ្នាំ ២០១៩។
ក្នុងសុន្ទរកថា លោក John Lee និយាយថានិតិរដ្ឋគឺជាតម្លៃមូលដ្ឋានសម្រាប់ហុងកុង។ លោកក៏បាននិយាយផងដែរថា ច្បាប់សន្តិសុខជាតិបាននាំមកនូវស្ថិរភាពដល់ទីក្រុងហុងកុង បន្ទាប់ពីមានការតវ៉ាប្រឆាំងរដ្ឋាភិបាលក្នុងឆ្នាំ ២០១៩។
លោក John Lee គឺជាបេក្ខជនតែម្នាក់គត់ដែលគាំទ្រដោយទីក្រុងប៉េកាំងដើម្បីស្នងតំណែងរបស់អតីតមេដឹកនាំហុងកុងគឺលោកស្រី Carrie Lam។
ការតែងតាំងលោក John Lee បង្កឲ្យមានការព្រួយបារម្ភថា ទីក្រុងប៉េកាំងអាចរឹតបន្តឹងការកាន់កាប់របស់ខ្លួនបន្ថែមទៀតលើទីក្រុងហុងកុង ដែលត្រូវបានអង់គ្លេសប្រគល់ឲ្យចិនវិញនៅក្នុងឆ្នាំ ១៩៩៧។
ចំណែកលោក Xi Jinping វិញនិយាយក្នុងសុន្ទករថានៅថ្ងៃសុក្រនេះថា ប្រជាធិបតេយ្យពិតប្រាកដរបស់ហុងកុងចាប់ផ្តើមឡើង បន្ទាប់ពីវាត្រូវបានប្រគល់ឲ្យចិនវិញ បន្ទាប់ពីត្រូវបានគ្រប់គ្រងដោយអង់គ្លេសអស់រយៈពេល ២៥ឆ្នាំ។
លោកថ្លែងថា «បន្ទាប់ពីរួបរួមជាមួយមាតុភូមិវិញ ប្រជាជនហុងកុងបានក្លាយជាម្ចាស់របស់ទីក្រុងពួកគេ។ ប្រជាធិបតេយ្យរបស់ហុងកុងចាប់ផ្តើមពីពេលនោះមក»។
លោកថ្លែងថា រដ្ឋាភិបាលកណ្តាលនឹងជួយរក្សា និងគាំទ្រដល់បរិយាកាសពាណិជ្ជកម្មសេរី និងបើកចំហរសម្រាប់ហុងកុង។
មេដឹកនាំរូបនេះថ្លែងទៀតថា គ្មានហេតុផលណាមួយក្នុងការផ្លាស់ប្តូររបៀបគ្រប់គ្រងបែប ប្រទេសមួយ ប្រព័ន្ធពីរនោះទេ ហើយវានឹងនៅបន្ត។
សូមរម្លឹកថា អង់គ្លេសបានប្រគល់ទឹកដីហុងកុងទៅឲ្យចិនវិញនៅក្នុងឆ្នាំ ១៩៩៧ ក្រោមការសន្យាថាហុងកុងមានរដ្ឋាភិបាលផ្ទាល់ខ្លួន មានសេរីភាពក្នុងការប្រមូលផ្តុំ និងបញ្ចេញមតិសម្រាប់រយៈពេល ៥០ឆ្នាំបន្ទាប់។ (យោងតាមប្រភព៖ Agencies)
ចែករំលែកព័តមាននេះ