នេះជាការប្រកួតអន្តរជាតិក្នុងចំណោមក្រុមល្អៗមកពីប្រទេសមួយចំនួននៅតំបន់អាស៊ាន និងកូរ៉េ និងប្រទេសមួយចំនួនទៀត ទើបគេកត់សម្គាល់ថា ជ័យជម្នះរបស់ក្រុមបឹងកេតអង្គរនៅក្នុងព្រឹត្តិការណ៍ BTV Cup ដែលបានធ្វើឡើងនៅក្នុងប្រទេសវៀតណាម គឺជាមុខមាត់មួយរបស់ក្រុមបាល់ទាត់កម្ពុជា ។ ជាមួយនឹងវត្តមានចូលប្រកួត ហើយបានជ័យជម្នះ២ប្រកួតក្នុងចំណោម៣ប្រកួតក្នុងពូលបានជួយក្រុមបឹងកេតអង្គរមានឈ្មោះបោះសំឡេងយ៉ាងខ្លាំងជាពិសេសគឺកីឡាករ ចាន់ វឌ្ឍនាកា បន្ទាប់ពីគេបានតំណែងជា Man Of The Match ដោយសារតែគេបញ្ជូនបាល់បានល្អ និងស៊ុតបានល្អនៅក្នុងព្រឹត្តិការណ៍ BTV Cup ដែលរៀបចំដោយខេត្តប៊ិញយឿង ប្រទេសវៀតណាម ។
គួរបញ្ជាក់ថា ពានរង្វាន់ BTV Cup ក្រុមបឹងកេតអង្គរស្ថិតនៅពូលA ដោយមានក្រុមម្ចាស់ផ្ទះ Becamex Binh Duong, Than Quang Ninh និងក្រុមតំណាងសាកលវិទ្យាល័យកូរ៉េខាងត្បូង ឬ Korea University Selection ។
នៅពូលB មាន៤ក្រុមចូលរួមដូចគ្នា រួមមានក្រុម Hai Phong និងក្រុម SHB Da Nang របស់វៀតណាម, ក្រុម Bangu Atlético Club មកពីប្រេស៊ីល និងក្រុម Shonan Bellmare កំពុងលេងក្នុងលីគកំពូលជប៉ុន (J-League) ទៀតផង ។
ចែករំលែកព័តមាននេះ