ឃាត់ខ្លួនក្រុមញៀនល្បែងស៊ីសងខុសច្បាប់៧នាក់បញ្ជូនទៅតុលាការ
ខេត្តសៀមរាប ៖ កម្លាំងការិយាល័យបទល្មើសព្រហ្មទណ្ឌ នៃកងរាជអាវុធហត្ថខេត្ត សហការជាមួយកម្លាំងមូលដ្ឋានស្រុកសូទ្រនិគមសរុប២០នាក់ រថយន្ត៣គ្រឿង …
ខេត្តសៀមរាប ៖ កម្លាំងការិយាល័យបទល្មើសព្រហ្មទណ្ឌ នៃកងរាជអាវុធហត្ថខេត្ត សហការជាមួយកម្លាំងមូលដ្ឋានស្រុកសូទ្រនិគមសរុប២០នាក់ រថយន្ត៣គ្រឿង ម៉ូតូ២គ្រឿង ដឹកនាំដោយលោកវរសេនីយ៍ទោ ថា ដាលុចប្រធានមន្ទីរយុត្តិធម៌ បានចុះបង្ក្រាបករណីលេងល្បែងស៊ីសងដោយខុសច្បាប់(អាប៉ោង)នៅចំណុចក្នុងភូមិសាស្ត្រ ស្រុកសូទ្រនិគម រហូតឈានដល់ធ្វើការឃាត់ខ្លួនបានក្រុមញៀនល្បែងប្រុសស្រី៧នាក់ រួចនាំយកទៅកាន់ការិយាល័យជំនាញ ដើម្បីសួរនាំ និងចាត់ការបញ្ជូនបន្តទៅតុលាការខេត្តដើម្បីចាត់ការតាមផ្លូវច្បាប់ ។
ហេតុការណ៍ឃាត់ខ្លួនក្រុមញៀនល្បែងស៊ីសងនេះធ្វើឡើងកាលពីវេលាម៉ោង៩ និង៣០នាទីយប់ ថ្ងៃទី៤ ខែធ្នូ ឆ្នាំ២០១៦ នៅចំណុចភូមិសាលាកកោះ ឃុំកៀនសង្កែ ស្រុកសូត្រនិគម ខេត្តសៀមរាប ។
ប្រភពពីកម្លាំងកងរាជអាវុធហត្ថខេត្តបានប្រាប់ឱ្យដឹងថា បន្ទាប់ពីមានសេចក្តីរាយការណ៍ច្បាស់ការរួចមក កម្លាំងការិយាល័យបទល្មើសព្រហ្មទណ្ឌ នៃកងរាជអាវុធហត្ថខេត្ត បានសហការជាមួយកម្លាំងមូលដ្ឋាន ចុះបង្ក្រាបករណីល្បែងស៊ីសងខុសច្បាប់(អាប៉ោង)ដោយធ្វើការឃាត់ខ្លួនបានក្រុមញៀនល្បែងប្រុសស្រី៧នាក់ រួចនាំយកមកកាន់ការិយាល័យជំនាញដើម្បីសួរនាំ និងចាត់ការបញ្ជូនបន្តទៅតុលាការខេត្ត ។
ប្រភពបានបន្តថា ក្រោយឃាត់ខ្លួនក្រុមញៀនល្បែងទាំង៧នាក់នោះ កម្លាំងជំនាញបានធ្វើការដកហូតវត្ថុតាងរួមមាន រថយន្ត១គ្រឿង, ម៉ូតូ១៥គ្រឿង ប្រាក់ខ្មែរ១.០៤០.០០០រៀល, ប្រាក់អាមេរិក១៧០ដុល្លារ, មេអាប៉ោង២គ្រាប់, ចានបាញ់អាប៉ោង២ និង កំរាលលេខអាប៉ោង១ ។
បច្ចុប្បន្ន ក្រុមញៀនល្បែងស៊ីសងខុសច្បាប់ប្រុសស្រីទាំង៧នាក់ និងវត្ថុតាង ការិយាល័យជំនាញបានកសាងសំណុំរឿងបញ្ជូនទៅតុលាការខេត្ត ដើម្បីចាត់ការតាមនិតិវិធី ៕
ចែករំលែកព័តមាននេះ