ក្រោមការវាយរុលទៅមុខរបស់កងទ័ពអីុរ៉ាក់ ពួកជីហាដ ក្រុមរដ្ឋអ៊ិស្លាមរងការបាត់បង់ធ្ងន់ធ្ងរបំផុតនៅក្រុងម៉ូសស៊ុល ។ កាលពីថ្ងៃទី៥ ធ្នូ ផ្នែកតស៊ូប្រឆាំងភេរវកម្មអីុរ៉ាក់ប្រកាសថា កងឯកភាពពីសេស និងកងទ័ពនៅ
ក្រោមការវាយរុលទៅមុខរបស់កងទ័ពអីុរ៉ាក់ ពួកជីហាដ ក្រុមរដ្ឋអ៊ិស្លាមរងការបាត់បង់ធ្ងន់ធ្ងរបំផុតនៅក្រុងម៉ូសស៊ុល ។ កាលពីថ្ងៃទី៥ ធ្នូ ផ្នែកតស៊ូប្រឆាំងភេរវកម្មអីុរ៉ាក់ប្រកាសថា កងឯកភាពពីសេស និងកងទ័ពនៅក្រុងម៉ូសស៊ុលបានសម្លាប់រដ្ឋមន្ដ្រីប្រេងកាតរបស់ក្រុមរដ្ឋអ៊ិស្លាមនៅខេត្ដនីនីវ ។
ក្នុងសេចក្ដីប្រកាសមួយផ្នែកនោះនិយាយថា ភេរវករត្រូវបាញ់សម្លាប់នោះមានឈ្មោះថា ASGAD ABU AZZAM ។ ប្រតិបត្ដិការវាយរំដោះក្រុងម៉ូសស៊ុល ជាទីក្រុងធំទី២របស់អីុរ៉ាក់ ព្រមទាំងជាទីតាំងសំខាន់បំផុតរបស់ក្រុមរដ្ឋអ៊ិស្លាមក្នុងប្រទេសចាប់ផ្ដើមពីថ្ងៃទី១៧ ខែតុលាមក ។
ខណៈក្រុមរដ្ឋអ៊ិស្លាមកំពុងរងការវាយប្រហារធ្ងន់ធ្ងរទាំងនៅអីុរ៉ាក់ ទាំងនៅសីុរី បុរសម្នាក់តាំងខ្លួនជាអ្នកនាំពាក្យថ្មីរបស់ក្រុមរដ្ឋអ៊ិស្លាម កាលពីថ្ងៃទី៥ ធ្នូ បានអំពាវនាវដល់បណ្ដាសមាជិកក្រុមរដ្ឋអ៊ិស្លាម ឱ្យធ្វើការវាយប្រហារភេរវកម្ម ដោយមានប្រទេសតួកគីជាគោលដៅសំខាន់នៃការវាយប្រហារ ។
ជនឈ្មោះ ABI HASSAN AL MOUHADJER ត្រូវបានក្រុមរដ្ឋអ៊ិស្លាមជ្រើសរើសជាអ្នកនាំពាក្យថ្មីរបស់ខ្លួន កាលពីថ្ងៃទី៥ ធ្នូ ជំនួស ABOU MOHAMED AL ADNANI ដែលសហរដ្ឋអាមេរិក អះអាងកាលពីខែកញ្ញា ថា ត្រូវស្លាប់ដោយការវាយប្រហារតាមអាកាសមួយរបស់អាមេរិក កាលពីថ្ងៃទី៣០ ខែសីហា នៅស៊ីរី ។
ក្នុងសារផ្សាយតាមអីុនធើរណេតមួយ អ្នកនាំពាក្យថ្មីរបស់ក្រុមរដ្ឋអ៊ិស្លាម អះអាងថា ក្រុមរបស់គេកំពុងតែទប់ទល់ចំពោះសត្រូវជាច្រើននៅអីុរ៉ាក់ និងនៅស៊ីរី ។ ជននោះស្នើដល់ពួកជីហាដកុំឱ្យដកខ្លួនថយចេញពីទីលានប្រយុទ្ធ ពិសេសនៅទីក្រុង TAL AFAR អីុរ៉ាក់ដែលពួកជីវពលស៊ីអីុតអីុរ៉ាក់មានបំណងវាយយកក្នុងក្របខណ្ឌនៃការវាយលុកប្រឆាំងក្រុមរដ្ឋអ៊ិស្លាមនៅក្រុងម៉ូសស៊ុល ។
អ្នកនាំពាក្យរូបនោះក៏ស្នើផងដែរដល់ពួកយុទ្ធជនក្រុមរដ្ឋអ៊ិស្លាមឱ្យការពារទីក្រុងស៊ីរី AL BAB ដែលកំពុងរងការប្រហារដោយពួកឧទ្ទាមស៊ីរី គាំទ្រដោយតួកគី ។ ជននោះអំពាវនាវជាពិសេសដល់យុទ្ធជនក្រុមរដ្ឋអ៊ិស្លាមឱ្យបង្កើនការខិតខំប្រឹងប្រែង និងបង្កើនប្រតិបត្ដិការគ្រប់ទីកន្លែងលើពីភពលោក ៕
ចែករំលែកព័តមាននេះ