ខេត្តមណ្ឌលគិរី ៖ កំណើនប្រជាពលរដ្ឋនិងអ្នកវិនិយោគជាច្រើន បានសម្រុកសាងសង់ផ្ទះសំណាក់ សណ្ឋាគារ រីស៊ត រាប់សិបទីតាំង ដែលនេះក៏ជាផ្នែកមួយមានការប្រើប្រាស់ទឹកស្អាតច្រើន ការផ្គត់ផ្គង់ទឹកស្អាតក្នុងក្រុងសែនមនោរម្យកំពុងជួបប្រទះបញ្ហាសមត្ថភាពផលិត ក្រោយតម្រូវការប្រើប្រាស់បានកើនឡើងលើសផែនការ…
ខេត្តមណ្ឌលគិរី ៖ កំណើនប្រជាពលរដ្ឋនិងអ្នកវិនិយោគជាច្រើន បានសម្រុកសាងសង់ផ្ទះ
សំណាក់ សណ្ឋាគារ រីស៊ត រាប់សិបទីតាំង ដែលនេះក៏ជាផ្នែកមួយមានការប្រើប្រាស់ទឹកស្អាតច្រើន ការផ្គត់ផ្គង់ទឹកស្អាតក្នុងក្រុងសែនមនោរម្យកំពុងជួបប្រទះបញ្ហាសមត្ថភាពផលិត ក្រោយតម្រូវការប្រើប្រាស់បានកើនឡើងលើសផែនការ ដែលតម្រូវឲ្យស្ថាប័នពាក់ព័ន្ធនានា ជាពិសេសអង្គភាពរដ្ឋាករទឹកខេត្តមណ្ឌលគិរី អភិវឌ្ឍន៍ប្រភពទឹកនិងពង្រីកបណ្តាញចែកចាយ ដើម្បីឆ្លើយតបជាមួយសេចក្តីត្រូវការប្រចាំថ្ងៃ។
មន្ទីរឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ខេត្តមណ្ឌលគិរីបានឲ្យដឹងថា បច្ចុប្បន្នរដ្ឋាករទឹកស្អាតខេត្តមណ្ឌលគិរី បានតបណ្តាញទឹកស្អាតជូនប្រជាពលរដ្ឋរស់នៅក្នុងតំបន់ប្រជុំជនក្រុងបាន ១៩៧១ តំណឬខ្នងផ្ទះ ដែលស្មើនិង៣២% ហើយត្រូវការទឹកប្រមាណជាងពីរពាន់ម៉ែត្រគូបក្នុងមួយថ្ងៃ ខណៈស្ថានីយ៏ផលិតទឹកស្អាតមានសមត្ថភាពផលិតត្រឹមពីរពាន់ម៉ែត្រគូបប៉ុណ្ណោះក្នុងមួយថ្ងៃ។
មន្ទីរឧស្សាហកម្មបានបន្តថា ស្ថានីយ៍ទឹកស្អាតដែលកំពុងបម្រើដល់ប្រជាពលរដ្ឋសព្វថ្ងៃ គឺជាជំនួយរបស់រាជរដ្ឋាភិបាលជប៉ុន ដាក់ប្រើប្រាស់កាលពីឆ្នាំ២០១៦ មានសមត្ថភាពផលិតទឹកស្អាតពីរពាន់ម៉ែត្រគូបក្នុងមួយថ្ងៃ ហើយមានប្រភពទឹកផ្គត់ផ្គង់ចំនួនពីរ គឺ អាងទំបន់ក្រោម និងអាង ទំនប់លើ ដែលពេលនេះកំពុងស្តារនិងបង្កើនបរិមាណស្តុបទឹកធំជាងមុន។ហើយការរៀបចំប្រភពទឹកទាំងពីរនេះ រដ្ឋបាលខេត្តបានគិតគូរបន្ថែមលើហេដ្ឋារចនាសម្ព័ន្ឋ លក្ខណៈពហុបំណង ទាំងការស្តុបទឹកប្រើនិងវិស័យទេសចរណ៏។
ក្រៅពីប្រភពទឹកពីរទីតាំងខាងលើខេត្តមណ្ឌលគិរី បានត្រៀមរួចជាស្រាច់នៅប្រភពទឹកចំនួនបីទៀត ដូចជា ទំនប់ចំការតែ១ ទំនប់ចំការតែ២និងទំនប់អូរទេ បើមានត្រូវការទឹកការហក់ឡើងខ្លាំង ព្រោះខេត្តមួយនេះត្រូវបានរាជរដ្ឋាភិបាលកំណត់ជា តំបន់ប៉ូលសេដ្ឋកិច្ចទី៤ ។ ហើយជាក់ស្តែងសព្វថ្ងៃ គេបានសង្កេតឃើញថា មានអ្នកវិនិយោគជាច្រើន បានសម្រុកសាងសង់ផ្ទះសំណាក់ សណ្ឋាគារ រីស៊ត រាប់សិបទីតាំង ដែលនេះក៏ជាផ្នែកមួយ មានប្រើប្រាស់ទឹកស្អាតច្រើនខ្លាំងផង
ដែរ។
យោងតាមការបញ្ជាក់របស់មន្ទីរឧស្សាហកម្មថា ដោយតម្រូវការទឹកកើនលើសសមត្ថភាពផលិត រដ្ឋាករទឹកស្អាតខេត្តមណ្ឌលគិរី និងមន្ទីរកំពុងរៀបចំ ផែនការពង្រីកសមត្ថភាពផលិតទឹកស្អាត ឲ្យស្របទៅតាមការជាក់ស្តែង ដើម្បីរក្សាស្ថិរភាពជូនអ្នកប្រើប្រាស់ ហើយកម្រិតតម្លៃសមរម្យសម្រាប់អតិថិជន ពោលត្រឹម ១.៨០០៛ ក្នុងមួយម៉ែត្រគូប៕
ចែករំលែកព័តមាននេះ