យោងតាមរបាយការណ៍របស់គណៈកម្មាធិការជាតិបង្ការនិងតស៊ូប្រឆាំងគ្រោះមហន្តរាយធម្មជាតិវៀតណាមថាទឹកជំនន់ដែលកើតមានរយៈពេលប៉ុន្មានថ្ងៃចុងក្រោយនេះនៅភាគកណ្តាលប្រទេសបណ្តាលឱ្យមនុស្សស្លាប់១០នាក់និងបាត់ខ្លួន៤នាក់មកទល់ថ្ងៃទី៤ធ្នូ ។
ទឹកជំនន់បានបំផ្លាញផ្ទះជាច្រើនសិបខ្នងហើយលិចផ្ទះជាច្រើនខ្នងទៀតក្រៅពីលិចដំណាំដាំដុះច្រើនសិបហិកតា ។ សត្វពាហនៈជាច្រើនរយក្បាលត្រូវងាប់ ផ្លូវថ្នល់នានាត្រូវទឹកជន់លិច ។
គណៈកម្មាធិការខាងលើនោះអំពាវនាវដល់បណ្តាខេត្តនៅភាគកណ្តាលប្រទេសឱ្យតាមដានការព្យាករណ៍ឧតុនិយមហើយឱ្យត្រៀមខ្លួនប្រឈមមុខចំពោះរាល់សភាពការណ៍ហើយដោះស្រាយបណ្តាផលវិបាកនៃទឹកជំនន់ ៕
ចែករំលែកព័តមាននេះ