នាវាចម្បាំងឥណ្ឌាមួយលិចស្លា.ប់2នាក់
បណ្តាអ្នកទទួលខុសត្រូវឥណ្ឌារាយការណ៍ថានាវិក២នាក់ស្លា.ប់ហើយ១៥នាក់ទៀតរងរបួសកាលពីថ្ងៃទី៥ ធ្នូ ពេលនាវាពិឃាតបា.ញ់មីស៊ីលឥណ្ឌា១គ្រឿងគឺនាវា INS BETWA បានលិចនៅឯការដ្ឋាននាវា
បណ្តាអ្នកទទួលខុសត្រូវឥណ្ឌារាយការណ៍ថានាវិក២នាក់ស្លាប់ហើយ១៥នាក់ទៀតរងរបួសកាលពីថ្ងៃទី៥ ធ្នូ ពេលនាវាពិឃាតបាញ់មីស៊ីលឥណ្ឌា១គ្រឿងគឺនាវា INS BETWA បានលិចនៅឯការដ្ឋាននាវាមួយនៃទីក្រុងមុមបៃ ។
អ្នកនាំពាក្យកងម៉ារីនឥណ្ឌាអនុសេនីយ៍ឯក D.K SHARMA ថ្លែងទៅកាន់សារព័ត៌មានថា ឧប្បត្តិហេតុនោះកើតមានពេលបញ្ឆិះម៉ាស៊ីននាវា។ នាវាត្រៀមចាកចេញទៅសមុទ្រវិញក្រោយការជួសជុល ។ ប្រព័ន្ធចង្កូតមានបញ្ហាទើបនាំឱ្យនាវានោះផ្អៀងលិច ។ ដងយោងសំខាន់របស់នាវាមានការខូចខាតខ្លាំងដែលនាំឱ្យនាវាផ្អៀងលិច ។
ដាក់ឱ្យប្រើប្រាស់កាលពីឆ្នាំ២០០៤នាវាពិឃាត INS BETWA ជានាវាពិសេសមួួយរបស់កងម៉ារីនឥណ្ឌា ។ វាមានចំណុះ៣៨៥០តោន មានបណ្តោយ១២៦ម៉ែត្រ ហើយជានាវាចម្បាំងផលិតដោយឥណ្ឌាទាំងស្រុង ។ វាបំពាក់ដោយមីស៊ីលការពារអាកាសនិងគ្រាប់បែកបុក ។ បណ្តាអ្នកទទួលខុសត្រូវឥណ្ឌានិយាយថា ទំហំនៃការខូចខាតរបស់នាវានេះកំពុងត្រូវវាយតម្លៃ ហើយកងម៉ារីនបានបើកការស៊ើបអង្កេតមួយលើគ្រោះថ្នាក់នេះ ។
យោងតាមសារព័ត៌មានថា នេះជាឧប្បត្តិហេតុចម្បងទី២របស់នាវា INS BETWA ។ កាលពីខែមករា ឆ្នាំ២០១៤ នាវានោះបានបុកជាមួយរបស់ពុំស្គាល់មួយបណ្តាលឱ្យខូចខាតប្រព័ន្ធចាប់សំឡេងរបស់នាវា ៕
ចែករំលែកព័តមាននេះ