រាជធានីភ្នំពេញ៖ ដោយមើលឃើញពីភាពខ្វះខាតរបស់ប្រជាពលរដ្ឋដែលរស់នៅតាមតំបន់ជននានាមានជីវភាពក្រីក្រនោះ គ្រឹះស្ថានចំនួនពីរ បានចុះអនុស្សរណៈ យោគយល់គ្នា ដើម្បីផ្តល់ប្រាក់កម្ចីផែនឥណទាន ដោយទទួលបានសេវារ៉ាប់រងផ្នែកសុខភាព។
រាជធានីភ្នំពេញ៖ ដោយមើលឃើញពីភាពខ្វះខាតរបស់ប្រជាពលរដ្ឋដែលរស់នៅតាមតំបន់ជននានាមានជីវភាពក្រីក្រនោះ គ្រឹះស្ថានចំនួនពីរ បានចុះអនុស្សរណៈ យោគយល់គ្នា ដើម្បីផ្តល់ប្រាក់កម្ចីផែនឥណទាន ដោយទទួលបានសេវារ៉ាប់រងផ្នែកសុខភាព។
ថ្លែងក្នុងសន្នីសីទកាសែតនៅសណ្ឋាគារសាន់វ៉េ កាលពីថ្ងៃទី០៥ ធ្នូ ២០១៦ នៅក្រោយពិធីចុះ MOU រវាងគ្រឹះស្ថានមីក្រូហិរញ្ញវត្ថុ វិសិនហ្វាន់ និង ក្រុមហ៊ុនធានារ៉ាប់រង ប្រេវ័រ លោកព្រាប ពិសិដ្ឋ នាយកប្រតិបត្តិការនៃគ្រឹះស្ថានមីក្រូហិរញ្ញវត្ថុ វីសិនហ្វាន់ បានមានប្រសាសន៍ថា សុខភាពមានតួនាទីនិងមុខងារយ៉ាងសំខាន់ សម្រាប់មនុស្សគ្រប់រូបនៅក្នុងការបំពេញបេសសកម្មប្រចាំថ្ងៃរបស់ខ្លួន ។ ប្រសិនបើយើមានសុខភាពល្អ និងកាយសម្បទានមាំមួន នោះកាតព្វកិច្ចការងាដែលយើងបានធ្វើ នឹងទទួលបានសមិទ្ឋផលល្អដូចគ្នាដែរ។ ដោយមើលឃើញពីចន្លោះប្រហោងនឹងកង្វះខាតនៃការថែទាំសុខភាព ជាពិសេសប្រជាជនក្រីក្រដែលគាត់មិនសូវជាមានលទ្ធភាព វីសិនហ្វាន់ ក៏សម្រេចផ្ដល់ជូនបន្ថែមនូវការធានារ៉ាប់រងសុខភាព និងអាយុជីវិត ចំពោះអតិថិជនកម្ចី ដើម្បីលើកកម្ពស់ស្មារតីឲ្យពួកគាត់បង្កើនការយកចិត្តទុកដាក់ និងស្រឡាញ់សុខភាពជាងមុន ។
ចំណែកលោកស្រីសូឡែន ផារី អគ្គនាយិកាប្រតិបត្តិក្រុមហ៊ុនធានារ៉ាប់រងប្រេវ័របានបញ្ជាក់ថា«យើងបានដឹងពីសុខទុក្ខដែលអតិថិជនប្រាក់កម្ជីបានជួបប្រទះ ហើយយើងក៏បានឃើញពីការលំបាកដែលគ្រឹះស្ថានមីក្រូហិរញ្ញវត្ថុបានប្រឈម ។ យើងមានសេចក្ដីកោតសរសើរនិងរីករាយយ៉ាងខ្លាំងចំពោះ គ្រឹះស្ថានមីក្រូហិរញ្ញវត្ថុដែលបានយកចិត្តទុកដាក់និងផ្តល់ការពារដល់អតិជនកម្ចីរបស់ពួគេ ។ វាគឺជាការបោះជំហានដ៏ធំដែលខ្ញុំរំពឹងថាមនុស្សគ្រប់គ្នានឹងផ្តល់តម្លៃឲ្យ ។ ហើយនេះជារូបភាពមួយដែលបង្ហាញចេញពីការយកចិត្តទុកដាក់ខ្លំាងរបស់ វិសិនហ្វាន់ ចំពោះសកម្មភាពនិងការផ្តល់ជូនកញ្ចប់ធានារ៉ាប់រងដល់ប្រជាពលរដ្ឋខ្មែរ »។ លោកស្រីបន្ថែមថា «យើងមានសេចក្តីសោមមន្សជាមួយនឹង ការចាប់ដៃគូរសហការជាមួយគ្រឹះស្ថានមីក្រូហិរញ្ញវត្ថុ ដែលមានបេសកកម្មខ្ពស់ផ្តោតលើសង្គម ដូចជាវីសិនហ្វាន់ »។
បើតាមអះអាងរបស់នាយកប្រតិបត្តិការគ្រឹះស្ថានមីក្រូហិរញ្ញវត្ថុវីសិនហ្វាន់បានឲ្យដឹងថា វីសិនហ្វាន់ បានយកចិត្តទុកដាក់ខ្ពស់ទៅលើសុខុមាលភាព ការថែទាំសុខភាព និងអាយុជីវិតរបស់ប្រជា ពលរដ្ឋក្រីក្រដែលរស់នៅតំបន់ដាច់ស្រយាល ជាពិសេសគឺអតិថិជនរបស់វីសិនហ្វាន់ផ្ទាល់ វីសិនហ្វាន់បានផ្ដល់ជូនបន្ថែមនូវធានារ៉ាប់ខ្នាតតូចលើសុខភាព និងគ្រោះថ្នាក់បុគ្គលជូនដល់គ្រប់អតិថិជនប្រាក់កម្ចីរបស់ខ្លួនជាង២៥ម៉ឺននាក់៕
ចែករំលែកព័តមាននេះ