រាជធានីភ្នំពេញ ៖ ផ្ទុយពីការរំពឹងទុក លោកហ៊ុយ យ៉ាឡេង ថៅកែផលិតកម្ម និងជាតួអង្គវិកលចរិតក្នុងរឿង «វិកលចរិត» ថានឹងមានអ្នកគាំទ្រនាំគ្នាមកមើលភ្លូកទឹកភ្លូកដី ក្រោយពីចាក់បញ្ចាំងជាផ្លូវការណ៍ និងក្រោយល្បីថា ជាសាច់រឿងល្អមើល មានការសរសើរពីមជ្ឈដ្ឋាន ។
រាជធានីភ្នំពេញ ៖ ផ្ទុយពីការរំពឹងទុក លោកហ៊ុយ យ៉ាឡេង ថៅកែផលិតកម្ម និងជាតួអង្គវិកលចរិតក្នុងរឿង «វិកលចរិត» ថានឹងមានអ្នកគាំទ្រនាំគ្នាមកមើលភ្លូកទឹកភ្លូកដី ក្រោយពីចាក់បញ្ចាំងជាផ្លូវការណ៍ និងក្រោយល្បីថា ជាសាច់រឿងល្អមើល មានការសរសើរពីមជ្ឈដ្ឋាន ។
តែបែរជាមានមនុស្សនាំគ្នា ទៅទស្សនាតិចតួច ធ្វើឱ្យបាក់ទឹកចិត្តជាខ្លាំង ចំពោះលោកចាងហ្វាងរូបនេះ ហើយក៏មិនគួរឱ្យជឿសោះថា អ្នកមើលកុនខ្មែរ បែរជាមិនឱ្យតម្លៃ ហើយទំនោរទៅរកតែរឿងបរទេស ខណៈសាច់រឿងមួយនេះ ធានាមានសភាពប្រទាក់
ក្រឡាគ្នាយ៉ាងរលូនហើយនោះ ។
លោកហ៊ុយ យ៉ាឡេង ជាតួអង្គលេចធ្លោសម្តែងបានលើនៅក្នុងរឿង «វិកលចរិត» បានបង្ហោះសារលើហ្វេសបុករបស់លោកថាបន់ព្រះសំពះទេវតា ជាទម្លាប់កូនខ្មែរបានធ្វើហើយៗ! បន់រូចហើយយប់មិញ ក៏ទទួលបានLike ១០,០០០០ល្មម ។ ចំនួននេះស្មើនឹងចំនួនមនុស្ស ដែលធ្លាប់គាំទ្រភាពយន្តខ្មែរកន្លងមក ។ តើអាចទេ បើបងប្អូនជួយមកគាំទ្រទាំងអស់គ្នា! ពិសេសប្អូនៗយុវ វ័យដែលគាំទ្ររឿងថៃរឿងបរទេស! តើអាចមកចូលរួមគាំទ្រវាយតម្លៃភាពយន្តខ្ញុំបានទេ ល្អមិនល្អត្រូវចិត្ត ឬមិនត្រូវចិត្តត្រូវជួយប្រាប់ផង ស្រួលខ្ញុំតម្រូវចិត្តជូន ព្រោះខ្ញុំបានដាក់ទុនជីវិតបម្រើជូនហើយ! ពេលនេះមានតែកម្លាំងចិត្តពីបងប្អូនទេ ដែលធ្វើឲ្យខ្ញុំបន្តទៅមុខទៀតបាន! សូមរួសរាន់លឿន កុំឲ្យយឺតពេល!
ជាមួយគ្នានេះដែរ រយៈពេល៣ថ្ងៃនៃការដាក់បញ្ចាំង តាមរោងភាពយន្តនានាអ្នកចូលទស្សនារឿង «វិកលចរិត» បានសរសើរថា ភាពយន្តនេះល្អមើលទាំងគុណភាព និងសាច់រឿង ហើយថា រឿងនេះអាចប្រកួតប្រជែងជាមួយភាពយន្តបរទេសបានទៀតផង។ យ៉ាងណាក៏ដោយផលិតករនៃភាពយន្តនេះបានត្អូញត្អែរពីចំណូលទទួលបានក្នុងរយៈពេល ៣ថ្ងៃនៃការដាក់បញ្ចាំងដំបូង។
លោក ហ៊ុយ យ៉ាឡេង ដែលជាផលិតករ និងជាតួសម្ដែងក្នុងរឿង «វិកលចរិត» បាននិយាយថា លោកបានឃើញ និងស្ដាប់ការពោលពាក្យសរសើរចំពោះស្នាដៃរបស់លោកពិតមែន ប៉ុន្តែការរកចំណូលមិនដូចអ្វី ដែលលោកបានគ្រោងទុកនោះឡើយ។ មិនដូចបំណង ព្រោះតែអ្នកចូលទស្សនាភាពយន្ត ជាពិសេសមិត្តៗយុវវ័យ នៅតែមិនសូវឱ្យតម្លៃចំពោះភាពយន្តដែលផលិតយ៉ាងសម្រិតសម្រាំង ទាំងគុណភាពរឿង និងតួសម្ដែង ។
ផលិតកររូបនេះ និយាយថា រយៈពេល៣ថ្ងៃ រឿងរបស់លោក មានអ្នកចូលទស្សនាតែជាង៥ពាន់នាក់ប៉ុណ្ណោះ ។ ខុសពីរឿងថៃ រឿងបរទេសមួយចំនួន ជាពិសេសទាក់ទងនឹងរឿងកំប្លែងខ្មោចជាដើម គឺរយៈពេលដូចគ្នាមានអ្នកចូលទស្សនារហូតដល់ទៅ៤ទៅ៥ម៉ឺននាក់ឯណោះ ។
ប្រការដែលមិត្តៗយុវវ័យខ្មែរមិនសូវឱ្យតម្លៃលើភាពយន្ត ដែលផលិតឡើងដោយសម្រិតសម្រាំងគុណភាព ដូច្នេះធ្វើឱ្យលោកចង់បាក់ទឹកចិត្តលែងចង់ផលិតភាពយន្តតទៅទៀត ។ ទាំងនេះដោយសារតែលោកយល់ឃើញថា រឿងមួយចំនួនផលិតមិនសូវមានគុណភាព តែអាចរកចំណូលបានខ្ពស់ទៅវិញ ។ ក៏ប៉ុន្តែសម្រាប់លោកដែលចូលចិត្តផលិតភាពយន្តសម្រាំងយកគុណភាព តែបែរជាគ្មានអ្នកចូលទស្សនាទៅវិញ។
យ៉ាងណាក៏ដោយផលិតករលោក ហ៊ុយ យ៉ាឡេង សម្ដែងក្ដីសប្បាយរីករាយនៅពេលភាពយន្តរបស់លោកត្រូវនាយកដ្ឋានសិល្បៈភាពយន្ត និងផ្សព្វផ្សាយវប្បធម៌ នៃក្រសួងវប្បធម៌ និងវិចិត្រសិល្បៈជ្រើសរើសជាភាពយន្តល្អប្រចាំឆ្នាំដើម្បីយកទៅប្រកួតប្រជែងនៅមហោស្រពភាពយន្ត ចិន នាពេលដ៏ខ្លីខាងមុខ។
ចែករំលែកព័តមាននេះ