សម្តេចតេជោ ៖ សមត្ថកិច្ចបានចា.ប់វ៉ៃខ្នោះមុខសញ្ញាម្នាក់ដោយសារបំភ័យថា មានអ្នកស្លា.ប់ដោយកូវីដ
- បន្ទាយមានជ័យ
បន្ទាយមានជ័យ ៖ សម្តេចតេជោ ហ៊ុន សែន នាយរដ្ឋមន្ត្រីកម្ពុជាបានប្រកាស នៅព្រឹកថ្ងៃទី១ ខែកក្កដា ឆ្នាំ២០២២ នេះថា…
បន្ទាយមានជ័យ ៖ សម្តេចតេជោ ហ៊ុន សែន នាយរដ្ឋមន្ត្រីកម្ពុជាបានប្រកាស នៅព្រឹកថ្ងៃទី១ ខែកក្កដា ឆ្នាំ២០២២ នេះថា…
បន្ទាយមានជ័យ ៖ សម្តេចតេជោ ហ៊ុន សែន នាយរដ្ឋមន្ត្រីកម្ពុជាបានប្រកាស នៅព្រឹកថ្ងៃទី១ ខែកក្កដា ឆ្នាំ២០២២ នេះថា មនុស្សម្នាក់ដែលជាមុខសញ្ញាឈ្មោះ «អ៊ូខុង» ត្រូវបានចាប់ខ្លួនហើយ ក្រោយពីបង្ហោះព័ត៌មានមិនពិតបំភ័យថា មានមនុស្សស្លា.ប់ដោយកូវីដ-១៩ ។
ថ្លែងចេញពីកម្មវិធីមួយនៅខេត្តបន្ទាយមានជ័យ សម្តេចតេជោ ហ៊ុន សែន មានប្រសាសន៍ថា អ្នកណាយកបញ្ហាកូវីដ-១៩ មកលេងសើច។ សម្តេចតេជោ ហ៊ុន សែន បានប្រកាសដូច្នេះ បន្ទាប់ពីមានបុរសម្នាក់ មានឈ្មោះ អ៊ូខុង រស់នៅត្បូងឃ្មុំ បានបង្ហោះក្នុង Tik Tok ដោយផ្សាយព័ត៌មានមិនពិតថា មានអ្នកស្លាប់ដោយសារកូវីដ-១៩ នៅខេត្តកោះកុង។
សម្តេចបញ្ជាក់ថា តែបុរសឈ្មោះ អ៊ូខុងនេះ ត្រូវបានប៉ូលិសវ៉ៃខ្នោះ ចាប់ខ្លួនបញ្ជូនពីខេត្តត្បូងឃ្មុំ មកកាត់ទោស នៅភ្នំពេញហើយ នាព្រឹកថ្ងៃទី១ ខែកក្កដានេះ។ តាមសម្តេច ហ៊ុន សែន បុរសឈ្មោះ អ៊ូខុងនោះ ជាសកម្មជនគណបក្សភ្លើងទៀន ហើយការចាប់ខ្លួននេះ មិនមែនជារឿងនយោបាយទេ តែជាការផ្សាយព័ត៌មានមិនពិត ហើយករណីនេះទៀតសោតគឺ មិនមែនជាសិទ្ធិបញ្ចេញមតិនោះទេ។
«បំភ័យមហាជន គឺត្រូវចាប់ខ្លួន ពេលនេះចាប់បានមុខសញ្ញាឈ្មោះ អ៊ូខុងហើយ និងកំពុងតែដឹកមកភ្នំពេញ »។ សម្តេចបានបញ្ជាក់។
សម្តេចបន្តថា នេះជាសម័យបច្ចេកវិទ្យារឿងអ្វីចាំបាច់ទៅធ្វើបែបហ្នឹង នៅសុខៗមកបំភ័យថា មានមនុស្សស្លា.ប់ដោយកូវីដ-១៩ ដូច្នេះការចាប់ខ្លួននេះកុំផ្សារភ្ជាប់រឿងនយោបាយថា «ចាប់ដោយសារដង្ហែបក្សភ្លើងទៀន» ។ «យប់មិញចាប់បានហើយ អ្នកដែលបំភ័យអំពីការស្លា.ប់អ្នកនៅខេត្តកោះកុង សូមអង្គការ និងអង្គទូតចង់មកនិយាយមកនិយាយជាមួយខ្ញុំមក ជននេះនៅត្បូងឃ្មុំ តែយករឿងកោះកុងមកបង្ហោះទាំងគេបដិសេធ ព្រោះរឿងនេះមិនមែនជារឿងលេងសើចទេ នេះមិនមែនជារឿងបញ្ចេញមតិទេ អ្នកណាក៏ដោយយកកូវីដមកលេងសើច បំភ័យមហាជន ត្រូវចាប់ខ្លួន អ៊ូខុង ត្រូវបានចាប់ខ្លួនហើយ» សម្តេចតេជោ បានថ្លែងបែបនេះ ។
សម្តេចបន្តថា «យប់មិញនេះបញ្ជាចាប់ឱ្យបានមុខសញ្ញាឈ្មោះ អ៊ូខុង ស្នងការខេត្តត្បូងឃ្មុំបានឃាត់ខ្លួនកំពុងបញ្ជូនមកភ្នំពេញ ។ មិនអាចទទួលយកបាន និងមិនអាចលើកលែងបាន បើអ្នកឯងមិនបង្ហោះអ្នកណាគេទៅចាប់ រឿងអ្វីចាំបាច់ទៅធ្វើបែបហ្នឹងកុំថា ចាប់ដោយសារទៅដង្ហែបក្សភ្លើងទៀនឱ្យសោះ» ៕
ចែករំលែកព័តមាននេះ