រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានរថយន្តកុងតឺន័រមួយគ្រឿង ពាក់ស្លាកលេខព្រះសីហនុ4A-1860 បើកបរដោយយុវជនស្ទាវម្នាក់ បានបុករថយន្ត២គ្រឿង ម៉ូតូ១គ្រឿង កន្លែងលក់ចាប់ហួយលើចិញ្ចើមផ្លូវ និងបន្តបុកចូលក្នុងផ្ទះគេទៀតទើបនៅស្ងៀម ដែលហេតុការណ៍ដ៏រន្ធត់នេះ កើតឡើងកាលពីវេលាម៉ោង០៨ និង៣០នាទីព្រឹកថ្ងៃទី០៦ ធ្នូ ស្ថិតត្រង់ចំណុចរង្វង់មូលចោមចៅ ឡើងទៅខេត្តតាកែវផ្លូវជាតិលេខ៣ ក្នុងភូមិព្រៃព្រីងខាងត្បូង ខណ្ឌពោធិ៍សែនជ័យ ។
ទោះបីជាយ៉ាងណា អ្នកបង្កត្រូវឃាត់ខ្លួនបានភ្លាមៗតែមិនទាន់ស្គាល់ឈ្មោះ គ្រាន់តែដឹងថា ជាយុវជនស្ទាវមួយរូប ។ រីឯភាគីខាងរងគ្រោះក៏មិនទាន់ស្គាល់ដែរ តែមួយគ្រឿងជារថយន្តទួរីសពណ៌.ស ពាក់ស្លាកលេខ2AD-5121, រថយន្តមួយគ្រឿងម៉ាកឡិចស៊ីស ដែលសរុបមានមនុស្សរងរបួសធ្ងន់-ស្រាល៤នាក់ ។
ប្រភពឱ្យដឹងទៀតថា មុនពេលកើតហេតុ រថយន្តកុងតឺន័រខាងលើ ធ្វើដំណើរមកពីត្បូងឆ្ពោះទៅខាងជើង លុះមកដល់ចំណុចកើតហេតុ (បញ្ច្រាសគ្នា)ជាមួយទួរីសនោះ ស្រាប់តែបុកគ្នាពេញទំហឹង ធ្វើឱ្យរថយន្តទួរីសខ្ទាតទៅបុកកន្លែងលក់ចាប់ហួយ ម៉ូតូ១គ្រឿងនិងរថយន្តឡិចស៊ីស ហើយក៏បុកចូលទៅក្នុងផ្ទះគេតែម្តង ។
ចែករំលែកព័តមាននេះ