ជាឆ្នាំដំបូងរបស់នាងអីុរីណា សេក ដែលបានចូលរួមដើរបង្ហាញម៉ូដនៅលើវេទិកា «Victoria Secret» កាលពីពេល ថ្មីៗកន្លងមក ។
នាងអីុរីណា សេក កំពុងមានគភ៌ដំបូងជាមួយលោកប៊្រេតលី គូព័រតារាសម្តែង ដ៏ល្បីឈ្មោះនៅហូលីវូដដូច្នេះនោះជាព្រឹត្តិការណ៍មួយកម្រកើតមានដែលតារាមានផ្ទៃពោះឡើងលើវេទិកាបង្ហាញម៉ូដ ។
នាងអីុរីណា និងលោកប៊្រេត លី ចាប់ផ្តើមចេញដើរកម្សាន្តជា មួយគ្នានៅខែមេសា ឆ្នាំ២០១៥ ហើយចងសម្ព័ន្ធភាពស្នេហានឹង គ្នាចាប់តាំងពីពេលនោះមក។ ពួកគេបានដើរលេងជាប្រចាំ ហើយបានបង្ហាញខ្លួនជាផ្លូវការជាមួយ គ្នានៅក្នុងពិធី «Met Gala» កាលពីខែឧសភា ២០១៦ ។
ទោះបីជា មានពាក្យចចាម អារ៉ាមថា អ្នកទាំង២ឈប់សេពគប់គ្នាកាលពីដើមឆ្នាំ២០១៦ក៏ដោយ ប៉ុន្តែផ្ទុយទៅវិញសម្ព័ន្ធភាពរបស់ពួកគេកាន់តែមានភាពស្អិតរមួត តាំងពីមានលេចឮដំណឹងឈប់សេពគប់គ្នានាពេលកន្លងទៅ។
ជិតដាច់ឆ្នាំ២០១៦នេះ អីុរីណា សេក បានបង្ហាញខ្លួននៅលើវេទិកាបង្ហាញម៉ូដពិភពលោក ដែលមានតារាបង្ហាញម៉ូដ ល្បីៗជាច្រើនរូបចូលរួមនៅក្រុងប៉ារីស។ បច្ចុប្បន្ននាងអីុរីណា សេក មានគភ៌ប្រហែល៤ខែ ធ្វើឱ្យនាងមានក្តីរំភើបក្រៃលែង ដែលក្លាយជាអ្នកម្តាយលើកដំបូង ៕
ចែករំលែកព័តមាននេះ