សម្រាប់អ្នកចូលចិត្តឪឡឹក នេះគឺជាដំណឹងល្អសម្រាប់អ្នក ។ ក្រុមអ្នកជំនាញបានណែនាំថា ការបង្កើនការទទួលទានឪឡឹកអាចបន្ថយហានិភ័យនៃជំងឺទឹកនោមផ្អែម ជំងឺធាត់ និងជំងឺបេះដូង ព្រោះឪឡឹកមានផ្ទុកសារជាតិ
សម្រាប់អ្នកចូលចិត្តឪឡឹក នេះគឺជាដំណឹងល្អសម្រាប់អ្នក ។ ក្រុមអ្នកជំនាញបានណែនាំថា ការបង្កើនការទទួលទានឪឡឹកអាចបន្ថយហានិភ័យនៃជំងឺទឹកនោមផ្អែម ជំងឺធាត់ និងជំងឺបេះដូង ព្រោះឪឡឹកមានផ្ទុកសារជាតិ lycopene ច្រើនជាងប្រភេទផ្លែឈើឬបន្លែផ្សេងទៀត ។ សូមមើលពីផលប្រយោជន៍សុខភាពនៃផ្លែឪឡឹកខាងក្រោមនេះ ៖
1-បង្ការជំងឺហឺត ៖ ហានិភ័យនៃការវិវត្តទៅជាជំងឺហឺតរបស់អ្នកអាចកើនឡើង ប្រសិនបើអ្នកមិនទទួលបានសារធាតុចិញ្ចឹមបានគ្រប់គ្រាន់ជាពិសេសវីតាមីនC ។ ដូច្នេះផ្លែឪឡឹកអាចជួយបង្កើនការទទួលយកសារធាតុចិញ្ចឹមរបស់អ្នក ។
2-ជំងឺមហារីក ៖ ផ្លែឪឡឹកជាប្រភពនៃសារធាតុប្រឆាំងអុកស៊ីតកម្ម និងអាចជួយប្រយុទ្ធប្រឆាំងនឹងការបង្កើតរ៉ាឌីកាល់សេរី ដែលជាមូលហេតុនៃជំងឺមហារីក។ ការទទួលទានសារធាតុ Lycopene មានទំនាក់ទំនងទៅនឹងការថយចុះហានិភ័យនៃជំងឺមហារីកក្រពេញប្រូស្តាតនៅក្នុងការសិក្សាជាច្រើន ។
3-សម្ពាធឈាម ៖ យោងតាមព្រឹត្តបត្រ American Journal of Hypertension ឪឡឹកអាចកាត់បន្ថយសម្ពាធឈាមរបស់មនុស្សវ័យកណ្តាលដែលមានជំងឺលើសឈាម ។ ការសិក្សានេះបានបង្ហាញថា ការទទួលទានផ្លែឪឡឹកធ្វើឲ្យមុខងារសរសៃឈាមមានភាពប្រសើរឡើង ។
4-ការរលាក ៖ ឪឡឹកមានផ្ទុកសារធាតុកូលីន ដែលអាចកាត់បន្ថយការរលាករ៉ាំរ៉ៃ។ សារធាតុចិញ្ចឹមដ៏សំខាន់នេះក៏ជួយដល់ការគេង ចលនាសាច់ដុំ ការរៀនសូត្រ និងការចងចាំ ។ វាក៏ជួយក្នុងការបញ្ជូនបន្ទុកសរសៃប្រសាទ រក្សារចនាសម្ព័នរបស់ភ្នាសកោសិកា ហើយជួយក្នុងការស្រូបយកជាតិខ្លាញ់ ។
5-ស្បែក ៖ វាជាអាហារដ៏អស្ចារ្យសម្រាប់សុខភាពស្បែក។ ឪឡឹកមានផ្ទុកវីតាមីនA ដែលជាសារធាតុចិញ្ចឹមចាំបាច់សម្រាប់ការផលិតជាតិខ្លាញ់ដែលរក្សាសក់ឲ្យមានសំណើម។ វីតាមីន A ក៏ចាំបាច់សម្រាប់ការរីកលូតលាស់នៃជាលិកាក្នុងរាងកាយរួមទាំងស្បែក និងសក់ ៕
ចែករំលែកព័តមាននេះ