ចាប់ខ្លួនស្ត្រី១៨នាក់កណ្ដាលក្រុងសៀមរាប
ខេត្តសៀមរាប ៖ ស្ត្រីៗ១៨នាក់ត្រូវបានកម្លាំងការិយាល័យបទល្មើសព្រហ្មទណ្ឌ នៃកងអាវុធហត្ថខេត្តសៀមរាប បានចុះប្រតិបត្តិការបង្ក្រាបកណ្តាលក្រុងសៀមរាប …
ខេត្តសៀមរាប ៖ ស្ត្រីៗ១៨នាក់ត្រូវបានកម្លាំងការិយាល័យបទល្មើសព្រហ្មទណ្ឌ នៃកងអាវុធហត្ថខេត្តសៀមរាប បានចុះប្រតិបត្តិការបង្ក្រាបកណ្តាលក្រុងសៀមរាប ខណៈពួកគេកំពុងលេងល្បែងស៊ីសងយ៉ាងជាប់ដៃមិនបានមើលឃើញសមត្ថកិច្ចទៅចាប់ ។ ហេតុការណ៍ឃាត់ខ្លួនក្រុមញៀនល្បែងស៊ីសងទាំង១៨នាក់នោះបានធ្វើឡើងកាលពីវេលាម៉ោង៩យប់ ថ្ងៃទី៣ ខែធ្នូ ឆ្នាំ២០១៦ ស្ថិតនៅចំណុចខាងក្រោយផ្សារលើធំថ្មី ស្ថិតក្នុងភូមិដកពោធិ៍ សង្កាត់ស្លរក្រាម ក្រុងសៀមរាប ។
ប្រភពពីកម្លាំងកងរាជអាវុធហត្ថខេត្តបានប្រាប់ឱ្យដឹងថា បន្ទាប់ពីមានពលរដ្ឋរាយការណ៍មក កម្លាំងការិយាល័យបទល្មើសព្រហ្មទណ្ឌ នៃកងរាជអាវុធហត្ថខេត្ត ចុះប្រតិបត្តិការបង្ក្រាបករណីល្បែងស៊ីសងខុសច្បាប់រហូតធ្វើការឃាត់ខ្លួនបានក្រុមអ្នកញៀនល្បែង (ស្រីៗ១៨នាក់) រួចយកមកធ្វើការសួរនាំនៅការិយាល័យជំនាញ ដើម្បីរៀបចំកសាងសំណុំរឿងបញ្ជូនទៅតុលាការខេត្តចាត់ការតាមផ្លូវច្បាប់ ។
ប្រភពបានបន្តថា ក្រោយពីធ្វើការឃាត់ខ្លួនបានក្រុមញៀនល្បែងទាំង១៨នាក់នោះ កម្លាំងជំនាញបានដកហូតវត្ថុតាងរួមមាន បៀ១២៣ហ៊ូ, ប្រាក់ខ្មែរ៧៥០០០រៀល, ប្រាក់អាមេរិក១៩៣ដុល្លារ, ប្រាក់ថែ៥១០បាត, រថយន្ត១គ្រឿង និង ម៉ូតូ៥គ្រឿង ។
បច្ចុប្បន្ន ក្រុមស្ត្រីញៀនល្បែង និងវត្ថុតាង ត្រូវបានកម្លាំងជំនាញរបស់ការិយាល័យបទល្មើសព្រហ្មទណ្ឌ នៃកងរាជអាវុធហត្ថខេត្ត កសាងសំណុំរឿងបញ្ជូនទៅតុលាការដើម្បីចាត់ការទៅតាមនីតិវិធីច្បាប់ ៕
ចែករំលែកព័តមាននេះ