រាជធានីភ្នំពេញ ៖ បុរសម្នាក់បានភ្ញាក់ពីដំណេក ក៏សួររកលេខទូរស័ព្ទរបស់បងថ្លៃ តែត្រូវសង្សារស្រីឆ្លើយថា មិនស្គាល់ លុះពេលឃើញបងថ្លៃមកដល់ ក៏យកកាំបិតបុ័ងតោដេញកា.ប់ផ្អើលពេញហាង ហើយយកអង្រែបុកគ្រឿង ទៅវាយកម្ទេចអស់ម៉ូតូមួយគ្រឿងទៀត បង្កឱ្យមានការភ្ញាក់ផ្អើលយ៉ាងខ្លាំង កាលពីវេលាម៉ោង០៣ និង៣០នាទីរសៀល ថ្ងៃទី០៥ ធ្នូ ស្ថិតត្រង់ចំណុចផ្ទះជួលផ្លូវ
រាជធានីភ្នំពេញ ៖ បុរសម្នាក់បានភ្ញាក់ពីដំណេក ក៏សួររកលេខទូរស័ព្ទរបស់បងថ្លៃ តែត្រូវសង្សារស្រីឆ្លើយថា មិនស្គាល់ លុះពេលឃើញបងថ្លៃមកដល់ ក៏យកកាំបិតបុ័ងតោដេញកាប់ផ្អើលពេញហាង ហើយយកអង្រែបុកគ្រឿង ទៅវាយកម្ទេចអស់ម៉ូតូមួយគ្រឿងទៀត បង្កឱ្យមានការភ្ញាក់ផ្អើលយ៉ាងខ្លាំង កាលពីវេលាម៉ោង០៣ និង៣០នាទីរសៀល ថ្ងៃទី០៥ ធ្នូ ស្ថិតត្រង់ចំណុចផ្ទះជួលផ្លូវ២០០២ ស្ថិតក្នុងភូមិត្រពាំងល្វា សង្កាត់ទឹកថ្លា ខណ្ឌសែនសុខ ។
ជនបង្កឈ្មោះមួន ទូច ហៅរ៉ា ភេទប្រុស អាយុ២៧ឆ្នាំ មុខរបរជាចុងភៅ ស្នាក់នៅផ្ទះជួលលេខ០១ ផ្លូវ២០០១ ក្នុងភូមិត្រពាំងល្វា សង្កាត់ទឹកថ្លា ខណ្ឌសែនសុខ ។
តាមប្រភពពីសង្សារជនបង្កមានឈ្មោះស៊ឹម សេងហ៊ាង អាយុ២៦ឆ្នាំ បើកហាងលក់សាច់អាំង២០០២ស្នាក់នៅជាមួយគ្នា បានប្រាប់ឱ្យដឹងថា រូបគាត់និងសង្សារ (ជនបង្ក) បានស្គាល់គ្នា៧ឆ្នាំមកហើយ ក្រោយមកនាងបានជួលផ្ទះខាងលើ ដើម្បីបើកហាងលក់គុយទាវ និងលក់សាច់អាំងជាមួយគ្នា ។
ស្ត្រីខាងលើបន្តថា សង្សារជាជនបង្ក គឺជាកូនកំព្រា និងជាមនុស្សស្លូតបូត ទើបតែថ្មីៗនេះ បានប្រើប្រាស់ថ្នាំញៀនរហូតញៀនថ្នាំ ក្លាយជាមនុស្សកាចសាហាវ ។ មុនពេលកើតហេតុ គាត់បានទាញកាំបិតបុ័ងតោដេញកាប់បងប្រុសរបស់នាង ថែមទាំងយកអង្រែបុកគ្រឿងទៅវ៉ៃម៉ូតូរបស់បងប្រុសនាង បណ្ដាលឱ្យខ្ទេចអស់មួយគ្រឿង គឺម៉ូតូម៉ាកគុបជ្រុងសេ៥០ ពណ៌បៃតង ពាក់ស្លាកលេខភ្នំពេញ ១AR-1780 ដែលហេតុការណ៍ខាងលើនេះ ធ្វើឱ្យភ្ញៀវដែលកំពុងតែអង្គុយផឹកស៊ីនៅក្នុងហាងភ័យបះសក់បាននាំគ្នារត់ចេញបាត់អស់ ទាំងមិនទាន់គិតលុយផងដែរ ។
បើតាមសម្តីជនបង្កឱ្យថា មុនពេលកើតហេតុ គាត់បានហៅសង្សារខ្លួន សួររកលេខទូរសព្ទ័របស់បងថ្លៃ តែនាងឆ្លើយថា នាងមិនដឹងនោះទេ ដែលជាហេតុធ្វើឱ្យរូបគេខឹងសម្បារខ្លាំង ហើយពេលនោះ គេបានបោកតុ កៅអី ស្របពេលជាមួយគ្នានោះដែរ បងថ្លៃប្រុស បានចុះពីលើផ្ទះជាន់ទីមួយមក បានស្ទុះទៅវាយរូបគេ ដែលជាហេតុធ្វើឱ្យគេទាញកាំបិតបុ័ងតោមកដេញកាប់បងប្រុសតែម្តង ។
ក្រោយពេលកើតហេតុ ជនបង្កបានត្រូវសមត្ថកិច្ចនាំខ្លួនយកមកកាន់មូលដ្ឋាន ដើម្បីកសាងសំណុំរឿងបញ្ជូនទៅអធិការដ្ឋានខណ្ឌសែនសុខ រង់ចាំការចាត់ការតាមនីតិវិធី ៕
ចែករំលែកព័តមាននេះ