រាជធានីភ្នំពេញ ៖ នៅវេលាម៉ោងប្រមាណ៧និង៣០នាទីមុននេះ ថ្ងៃទី០៥ ខែធ្នូ ឆ្នាំ២០១៦ អគ្គិភ័យដែលបានឆាបឆេះនៅទីតាំងមួយកន្លែងស្ថិតក្នុងដីឡូត៍ ដែលជាអគារសំណង់ក្លឹបដែលទើបនឹងសាងសង់ ស្ថិតនៅចន្លោះយានដ្ឋានមួយឈ្មោះ PAC និងក្លឹបម៉ូណាកូនៅតាមបណ្ដោយផ្លូវ១៩៨៦ ក្នុងសង្កាត់ភ្នំពេញថ្មី ខណ្ឌសែនសុខ បានរលត់ទាំងស្រុងវិញហើយ។
តាមប្រភពពីកន្លែងកើតហេតុបានឲ្យដឹងថា នៅមុនពេលកើតហេតុមានជាងដែកបានទៅផ្សារដាក់ជើងកង្ហារ ស្របពេលជាមួយគ្នានោះផ្កាភ្លើងផ្សារបានធ្លាក់ទៅឆេះនឹងអេប៉ុងបិទជាប់ជញ្ជាំងបណ្ដាលឲ្យឆេះងំ រួចរាលដាលពេញបន្ទប់តែម្ដង ថែមទាំងឆេះខូចខាតម៉ូតូ២គ្រឿងទៀត និងមនុស្សរងរបួសស្រាលចំនួន២នាក់។ ក្រុមពន្លត់អគ្គិភ័យរបស់ស្នងការនគរបាលជាតិបានប្រើប្រាស់ឡានទឹកអស់ចំនួន២គ្រឿង។ បច្ចុប្បន្នកន្លែងហេតុបានរលត់ស្ទើរទាំងស្រុងទៅហើយ គេឃើញនៅសល់តែផ្សែងហុយៗបណ្ណោះ៕
ចែករំលែកព័តមាននេះ