រាជធានីភ្នំពេញ ៖ យុវជនញៀនថ្នាំចំនួន១០នាក់ ត្រូវបានកម្លាំងនគរបាលខណ្ឌសែនសុខឃាត់ខ្លួន នៅក្នុងប្រតិបត្តិការចុះបង្ក្រាបទីតាំងប្រើប្រាស់គ្រឿងញៀ.ន កាលពីម៉ោង១១ និង៣០នាទីព្រឹក
រាជធានីភ្នំពេញ ៖ យុវជនញៀនថ្នាំចំនួន១០នាក់ ត្រូវបានកម្លាំងនគរបាលខណ្ឌសែនសុខឃាត់ខ្លួន នៅក្នុងប្រតិបត្តិការចុះបង្ក្រាបទីតាំងប្រើប្រាស់គ្រឿងញៀន កាលពីម៉ោង១១ និង៣០នាទីព្រឹក ថ្ងៃទី០៥ ខែធ្នូ ឆ្នាំ២០១៦ នៅចំណុចផ្លូវលំ ក្រុម១០ ភូមិត្រពាំងឈូក សង្កាត់ទឹកថ្លា ខណ្ឌសែនសុខ។
ប្រតិបត្តិការនេះដឹកនាំដោយលោកវរៈសេនីយ៍ឯក ម៉ក់ ហុង អធិការខណ្ឌសែនសុខ និងលោក គួក សុខហួរ អធិការរងខណ្ឌ សែនសុខ ។ លោកវរៈសេនីយ៍ឯក ម៉ក់ ហុង អធិការខណ្ឌ បានឲ្យដឹងថា ដោយមានបទបញ្ជាពីលោកឧត្តមសេនីយ៍អគ្គស្នងការរងនគរបាលជាតិ និងជាស្នងការរាជធានីភ្នំពេញ លោកបានដឹកនាំកម្លាំងចុះសហការណ៍ធ្វើរដ្ឋបាលនៅតំបន់ស្មុគស្មាញភូមិត្រពាំងឈូកដោយឃាត់ខ្លួនយុវជនប្រើប្រាស់គ្រឿងញៀនជាបន្តបន្ទាប់។
ដោយឡែកលើកនេះសមត្ថកិច្ចបានឃាត់ខ្លួនបានជនសង្ស័យចំនួន១០នាក់ និងដកហូតបានឧបករណ៍សម្រាប់ប្រើប្រាស់មួយចំនួន។ ជនសង្ស័យបញ្ជូនទៅកាន់អធិការដ្ឋាននគរបាលខណ្ឌសែនសុខ ដើម្បីសាកសួរ និងចាត់ការតាមច្បាប់៕
ចែករំលែកព័តមាននេះ