ខេត្តបាត់ដំបង ៖ ពលករខ្មែរជាង១,០០០នាក់ បាននិងកំពុងសំរុកឆ្លងដែនទៅធ្វើការងារនៅក្នុងខេត្តស្រះកែវ ប្រទេសថៃ តាមច្រកទ្វាតំបន់ «ភ្នំដី» ក្នុងស្រុកសំពៅលូន ដោយគ្មានលិខិតឆ្លងដែន ប៉ុន្តែជាការស្នើសុំពីភាគីថៃ ។ នេះបើតាមការអះអាងពីមន្ត្រីទំនាក់ទំនងកម្ពុជា-ថៃ ប្រចាំច្រកតំបន់ភ្នំដី ។
ខេត្តបាត់ដំបង ៖ ពលករខ្មែរជាង១,០០០នាក់ បាននិងកំពុងសំរុកឆ្លងដែនទៅធ្វើការងារនៅក្នុងខេត្តស្រះកែវ ប្រទេសថៃ តាមច្រកទ្វាតំបន់ «ភ្នំដី» ក្នុងស្រុកសំពៅលូន ដោយគ្មានលិខិតឆ្លងដែន ប៉ុន្តែជាការស្នើសុំពីភាគីថៃ ។ នេះបើតាមការអះអាងពីមន្ត្រីទំនាក់ទំនងកម្ពុជា-ថៃ ប្រចាំច្រកតំបន់ភ្នំដី ។
លោកឈុន លុន ប្រធានក្រុមការងារទំនាក់ទំនងកម្ពុជា-ថៃប្រចាំច្រកតំបន់ភ្នំដី ស្រុកសំពៅលូនបានឱ្យដឹងថា បើគិតចាប់ពីថ្ងៃទី០២ ដល់ទី០៥ ធ្នូ នេះ មានពលករខ្មែរជាង១,០០០នាក់ហើយ ដែលបានឆ្លងដែនទៅធ្វើការនៅខេត្តស្រះកែវ ប្រទេសថៃ ។ ពលករខ្មែរទាំងនោះ គ្មានលិខិតឆ្លងដែនទេ តែធ្វើឡើងតាមការស្នើសុំពីសមាគមពលកម្ម និងអាជ្ញាធរថៃ ដើម្បីសុំកម្លាំងពលករខ្មែរឱ្យជួយប្រមូលកសិផល ។ លោកឈុន លុន បានបញ្ជាក់ថា ភាគីកម្ពុជា ក៏បានឯកភាពលើកាស្នើសុំនេះដែរ តែយើងទាមទាឲ្យមានការធានារច្បាស់លាស់ពីភាគីថៃ ។
បើតាមប្រភពព័ត៌មានបានឲ្យដឹងថា ក្រុមពលករខ្មែរទាំងនោះ ត្រូវបានស្នើសុំឲ្យចេញតាមច្រកទ្វាអន្តរជាតិ«ប៉ោយប៉ែត» តែអ្នកគ្រប់គ្រងច្រកនេះ មិនអនុញ្ញាត ព្រោះពលករទាំងគ្មានលិខិតឆ្លងដែនស្របច្បាប់ ទើបត្រូវបញ្ជូនទៅកាន់ច្រកតំបន់«ភ្នំដី» ស្រុកសំពៅលូនវិញ ។
ប្រភពដដែលបញ្ជាក់ថា ពលករជាង១,០០០នាក់ទាំងនោះ មកពីតាមបណ្ដាខេត្តនានា និងមួយចំនួនមកទាំងគ្រួសារតែម្ដង ដោយសារតែនៅស្រុកកំណើតគ្មានការងារធ្វើ ។ បើតាមការអះអាងពីក្រុមពលករថា ពេលឆ្លងដែនចូលទៅថៃ គឺពលករត្រូវបង់លុយម្នាក់៣០០បាត ឱ្យទៅខាងកម្លាំងនគរបាលវរ:ការពារព្រំដែនលេខ៨១៧ ដែលប្រចាំច្រកតំបន់ភ្នំដី។
កោះសន្តិភាព មិនអាចសុំការបំភ្លឺពៅលោកស្រី សុខុន ប្រធានវរ:ការពារព្រំដែនលេខ៨១៧ បានទេនៅល្ងាចថ្ងៃទី០៥ធ្នូនេះ ។ ប៉ុន្តែលោកឈុន លុន ប្រធានក្រុមការងារទំនាក់ទំនងព្រំដែន ប្រចាំច្រកតំបន់ភ្នំដីបានប្រាប់ថា ពលករបានបង់លុយតែ១០០បាត ទៅ២០០បាតប៉ុណ្ណោះ ថ្លៃលិខិតស្នាម ដែលមន្ត្រីព្រំដែនបំពេញបែបបទឱ្យពលករ ។
ចែករំលែកព័តមាននេះ