ទើបរៀបការមិនទាន់បាន១ឆ្នាំផង ស្រាប់តែសម្លា.ប់ខ្លួន
ខេត្តស្វាយរៀង ៖ បុរសម្នាក់គិតខ្លីបានផឹកថ្នាំបា.ញ់ស្រូវបញ្ចប់ជីវិតខ្លួនឯង ដោយសារតូចចិត្តមានជំងឺបេះដូងរ៉ាំរ៉ៃ ស្លា.ប់ចោលប្រពន្ធ ទើបរៀបការបានជិតមួយឆ្នាំប៉ុណ្ណោះ ។
ខេត្តស្វាយរៀង ៖ បុរសម្នាក់គិតខ្លីបានផឹកថ្នាំបាញ់ស្រូវបញ្ចប់ជីវិតខ្លួនឯង ដោយសារតូចចិត្តមានជំងឺបេះដូងរ៉ាំរ៉ៃ ស្លាប់ចោលប្រពន្ធ ទើបរៀបការបានជិតមួយឆ្នាំប៉ុណ្ណោះ ។
បើតាមសមត្ថកិច្ចឱ្យដឹងថា បុរសរងគ្រោះចេះតែថប់ដង្ហើម ណែនទ្រូងជាច្រើនឆ្នាំមកហើយ ក៏ទៅពិនិត្យសុខភាពនៅមន្ទីរពេទ្យប្រទេសវៀតណាម ទើបដឹងថា មានជំងឺបេះដូងផឹកថ្នាំជាប្រចាំ ក៏តូចចិត្តផឹកថ្នាំពុលបាញ់ស្រូវបញ្ចប់តែម្តង ហើយខណៈបញ្ជូនមកដល់មន្ទីរពេទ្យខេត្ត គ្រូពេទ្យមិនអាចជួយសង្គ្រោះបានក៏ដាច់ខ្យល់ស្លាប់ ព្រោះផឹកថ្នាំពុលអស់មួយដបឯណោះ ។
ហេតុការណ៍នេះ បានកើតឡើងនៅវេលាម៉ោង០៥ និង៣០នាទីល្ងាចថ្ងៃទី៤ ធ្នូ ស្ថិតក្នុងភូមិកណ្តាល ឃុំខ្សែត្រ ស្រុកកំពង់រោទិ៍ខេត្តស្វាយរៀង ។ ជនរងគ្រោះដែលស្លាប់ឈ្មោះសំ សាវ៉ាត ភេទប្រុស អាយុ២៧ឆ្នាំ រស់នៅភូមិ-ឃុំកើតហេតុខាងលើ និងមានប្រពន្ធឈ្មោះចិន ភិន អាយុ២២ឆ្នាំ ពួកគេទាំង២នាក់ទើបតែរៀបការ ស្រាប់តែគិតខ្លីទៅចោលប្រពន្ធបែបនេះសោះ ។
ចែករំលែកព័តមាននេះ