លោក MARSUDI អ្នកនាំពាក្យរបស់ទីភ្នាក់ងារជាតិរុករកនិងជួយសង្គ្រោះអះអាងកាលពីថ្ងៃទី៤ ធ្នូថា យន្តហោះ១គ្រឿង ដែលដឹកប៉ូលិស១៦នាក់បានធ្លាក់កាលពីថ្ងៃទី៣ ធ្នូ កន្លងមកនេះក្នុងសមុទ្រនៃកោះបាតាមភាគខាងលិចឥណ្ឌូណេស៊ី ។
អ្នកនាំពាក្យរូបនោះបញ្ជាក់ថា សាកសពជនរងគ្រោះច្រើននាក់ព្រមទាំងបំណែកយន្តហោះត្រូវបានរកឃើញ ។ ការទាក់ទងជាមួយយន្តហោះធុន M28 SKYTRUCK របស់ប៉ូលិសឥណ្ឌូណេស៊ីនោះបានបាត់ពេលវាហោះហើរពីលើដែនទឹកកោះបាតាម ។ យន្តហោះបានធ្លាក់ហើយអ្នកជួយសង្គ្រោះមួយចំនួនបាននាំថង់៣ដែលដាក់សាកសពជនរងគ្រោះ ។ បំណែកយន្តហោះមួយចំនួនក៏ត្រូវស្រង់បានដែរ ។ កន្លែងយន្តហោះធ្លាក់ត្រូវបានកំណត់ដឹង ។ ទាហាន ប៉ូលិស អ្នកជួយសង្គ្រោះព្រមទាំងអ្នកស្ម័គ្រចិត្តជាង៣០០នាក់កំពុងតាមរុករកបំណែកយន្តហោះ ។ យន្តហោះនោះហោះពីទីក្រុង PANGKAL PINANG លើកោះបង់កាទៅកោះបាតាម ស្ថិតក្នុងខេត្តប្រជុំកោះ RIAU ៕
ចែករំលែកព័តមាននេះ