រាជធានីភ្នំពេញ ៖ រដ្ឋបាលរាជធានីភ្នំពេញគ្រោងនឹងស្ថាបនាស្ពានអាកាសទី៦ថ្មី និងផ្លូវក្រោមដីមួយកន្លែងទៀត ស្ថិតនៅចំណុចរង្វង់មូលចោមចៅ ដើម្បីកាត់បន្ថយការកកស្ទះចរាចរណ៍នៅត្រង់ចំណុចប្រសព្ធ និងសម្រួលដល់ការធ្វើដំណើរនៅភាគខាងលិចឱ្យកាន់តែមានភាពល្អប្រសើរឡើង ។
រាជធានីភ្នំពេញ ៖ រដ្ឋបាលរាជធានីភ្នំពេញគ្រោងនឹងស្ថាបនាស្ពានអាកាសទី៦ថ្មី និងផ្លូវក្រោមដីមួយកន្លែងទៀត ស្ថិតនៅចំណុចរង្វង់មូលចោមចៅ ដើម្បីកាត់បន្ថយការកកស្ទះចរាចរណ៍នៅត្រង់ចំណុចប្រសព្ធ និងសម្រួលដល់ការធ្វើដំណើរនៅភាគខាងលិចឱ្យកាន់តែមានភាពល្អប្រសើរឡើង ។
នៅក្នុងពិធីក្រុងពាលី បើកការដ្ឋានសាងសង់ស្ពានអាកាសចំនួន៣ខ្សែបន្ថែម នៅស្ពានអាកាសក្បាលថ្នល់ កាលពីថ្ងៃទី០៤ ធ្នូ នេះ លោកប៉ា សុជាតិវង្ស អភិបាលរាជធានីភ្នំពេញបានមានប្រសាសន៍ថា នៅពេលខាងមុខដ៏ខ្លីឆាប់ៗនេះ បន្ទាប់ពីគម្រោងសាងសង់បន្ថែមស្ពានអាកាសចំនួន៣ខ្សែ នៅស្ពានអាកាសក្បាលថ្នល់នេះរួច សាលារាជធានីភ្នំពេញនឹងបន្តសាងសង់ស្ពានអាកាស និងផ្លូវក្រោមដីមួយកន្លែងទៀត នៅចំណុចរង្វង់មូលចោមចៅ ។
លោកបន្តថា រាល់រង្វង់មូលដែលជាចំណុចប្រសព្វនៃលំហូរចរាចរណ៍ផ្លូវខ្វែង គឺជាមូលហេតុបង្កឱ្យកើតមានការកកស្ទះចរាចរណ៍យ៉ាងធ្ងន់ធ្ងរ ប៉ុន្តែបើយើងធ្វើជាស្តុប ជំនួសរង្វង់មូល ដោយសាងសង់ស្ពានអាកាសជំនួសវិញ វានឹងទទួលបានការដោះស្រាយ និងកាត់បន្ថយការកកស្ទះចរាចរណ៍ មានប្រសិទ្ធភាពណាស់ ដូចជារង្វង់មូលស្ពានស្ទឹងមានជ័យ និងរង្វល់មូលស្ពានពេទ្យលោកសង្ឃជាដើម ។ ដូច្នេះ រាល់ចំណុចប្រសព្វ ឬរង្វង់មូលយើងត្រូវកែលំអប្រព័ន្ធ លំហូរចរាចរណ៍ឲ្យកាន់តែប្រសើរឡើងជាបណ្តើរៗ ។
ចែករំលែកព័តមាននេះ