រាជធានីភ្នំពេញ ៖ ក្រុមហ៊ុនស្រាបៀរលីអូ បានធ្វើយុទ្ធនាការមួយដែលមានឈ្មោះថា «ការចែករំលែកក្តីស្រឡាញ់ជាមួយក្រវិលកំប៉ុងរបស់អ្នក» ដើម្បីឱ្យបងប្អូនប្រជាពលរដ្ឋអាចធ្វើការបរិច្ចាគក្រវិលកំប៉ុងទៅក្នុងធុងស្រាបៀរលីអូ ។ ក្រវិលកំប៉ុងទាំងនោះនឹងប្រគល់ជូនមូនិធិជើងសិប្បនិមិ្មត Prosthese Foundation of H.R.H The Princess Mother ប្រើជាផ្នែកមួយសម្រាប់ផលិត ជើងសិប្បនិម្មិតជូនជនពិការកម្ពុជា ។ អ្នកជំនាញនឹងយកទៅកែឆ្នៃទ្បើងវិញ ដើម្បីធ្វើជាជើងសិប្បនិមិ្មតសម្រាប់ចែកជូនអ្នកដែលត្រូវការតាមរយៈការជួយជ្រោមជ្រែងពីមជ្ឈមណ្ឌលកម្មាត់មីន CMAC កម្ពុជា ។
ធុងស្រាបៀរលីអូសម្រាប់បរិច្ចាគមាននៅតាមទីតាំងជាច្រើនដូចជា បៀរហ្គាដិន ហាងសាច់អាំងផ្សារទំនើបអ៊ីអនម៉ល ផ្សារទំនើប City Mall ផ្សារទំនើប Pencil មាត់ទន្លេ ផ្សារអូរឬស្សី និងតាមហាងភេសជ្ជះមួយចំនួននៅតាមខេត្តក្រុងសំខាន់ៗ ។
សូមចូលរួម និងចែករំលែកក្តីស្រឡាញ់របស់អ្នកជាមួយក្រវិលកំប៉ុងស្រាបៀរលីអូទាំងអស់គ្នា ។ ការប្រមូលក្រវិលកំប៉ុងនេះនឹងបន្តររហូតដល់បំណាច់ឆ្នាំ២០១៦ ។ សូមចូលរួមទាំងអស់គ្នាសម្រាប់កម្មវិធឺសង្គមមួយនេះ ៕
ចែករំលែកព័តមាននេះ