ខេត្តបន្ទាយមានជ័យ ៖ ជនសង្ស័យ២នាក់ ធ្លាប់ជាប់ពន្ធនាគារ១០ឆ្នាំហើយ ចេញមកវិញធ្វើសកម្មភាពប្លន់ទៀតនៅស្រុកម៉ាឡៃ ក៏ត្រូវចាប់តាមដីកាបញ្ជូនទៅសាលាដំបូងខេត្តបន្ទាយមានជ័យ កាលពីថ្ងៃទី០៣ ធ្នូ កន្លងមក។
ខេត្តបន្ទាយមានជ័យ ៖ ជនសង្ស័យ២នាក់ធ្លាប់ជាប់ពន្ធនាគារ១០ឆ្នាំហើយ ចេញមកវិញធ្វើសកម្មភាពប្លន់ទៀតនៅស្រុកម៉ាឡៃ ក៏ត្រូវចាប់តាមដីកាបញ្ជូនទៅសាលាដំបូងខេត្តបន្ទាយមានជ័យ កាលពីថ្ងៃទី០៣ ធ្នូ កន្លងមក។
ជនសង្ស័យ២នាក់ខាងលើ ១-ឈ្មោះរ៉ាន់ យឿម អាយុ៥១ឆ្នាំ (គ្មានមុខរបរច្បាស់លាស់) រស់នៅភូមិព្រៃគប់ សង្កាត់ផ្សារកណ្តាលក្រុងប៉ោយប៉ែត ២-ឈ្មោះឃី ភឿត អាយុ៣៨ឆ្នាំ (គ្មានមុខរបរច្បាស់លាស់) រស់នៅក្នុងភូមិខ្ជាយ ឃុំស្រះជីក ស្រុកភ្នំស្រុក ។
លោកឧត្តមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យបានប្រាប់ថា ជនសង្ស័យទាំង២នាក់នេះ ត្រូវចាប់ខ្លួនតាមដីការបស់លោកម៉ម ច័ន្ទវណ្ណៈ ចៅក្រមស៊ើបសួរសាលាដំបូងខេត្តបន្ទាយមានជ័យ ដែលចោទប្រកាន់ពីបទអំពើលួចមានស្ថានទម្ងន់ទោស ដែលប្រព្រឹត្តកាលពីថ្ងៃទី២៣ មិថុនា នៅភូមិដំណាក់ថ្មី ឃុំតាគង់ ស្រុកម៉ាឡៃ ។
លោកបន្តថា ក្រោយពេលដែលកម្លាំងកងរាជអាវុធហត្ថខេត្តទទួលដីកាកម្លាំងជំនាញ បានធ្វើការស្រាវជ្រាវ និងកំណត់មុខសញ្ញាបានឃាត់ឈ្មោះរ៉ាន់ យឿម នៅវេលាម៉ោង១០ព្រឹកថ្ងៃទី០២ ធ្នូ ស្ថិតនៅចំណុចនៅភូមិព្រៃគប់ សង្កាត់ផ្សាកណ្តាល ហើយដោយកម្លាំងកងរាជអាវុធហត្ថខេត្តបន្ទាយមានជ័យ សហការជាមួយកម្លាំងកងរាជអាវុធហត្ថខេត្តឧត្តរមានជ័យ បន្តឃាត់ជនសង្ស័យឈ្មោះឃី ភឿត នៅម៉ោង០៦ និង៤៧នាទីថ្ងៃទី០២ ធ្នូ ស្ថិតភូមិ-ឃុំអូរស្មាច់ ក្រុងសំរោង ខេត្តឧត្តរមានជ័យ ។
ចែករំលែកព័តមាននេះ