សមត្ថកិច្ចឆ្មក់បង្ក្រាប នាំគ្នារត់ប្រសាចផ្អើលពេញភូមិ
ខេត្តបាត់ដំបង ៖ សេចក្តីរាយការណ៍បានឲ្យដឹងថា កាលពីវេលាម៉ោង១០ព្រឹក ថ្ងៃទី០៤ ខែធ្នូ ឆ្នាំ២០១៦ សមត្ថកិច្ចបានចុះបង្ក្រាប …
ខេត្តបាត់ដំបង ៖ សេចក្តីរាយការណ៍បានឲ្យដឹងថា កាលពីវេលាម៉ោង១០ព្រឹក ថ្ងៃទី០៤ ខែធ្នូ ឆ្នាំ២០១៦ សមត្ថកិច្ចបានចុះបង្ក្រាបសង្វៀនមាន់មួយកន្លែង នៅភូមិគោកក្ដូច ឃុំតាពូង ស្រុកថ្មគោល ដោយឃាត់ខ្លួនអ្នកលេងបាន២នាក់ និងអាគក១២ក្បាល ខណ:អ្នកលេងរាប់សិបនាក់រត់ប្រសាចពេញភូមិ ។
សេចក្ដីរាយការណ៍របស់សមត្ថកិច្ចបានឲ្យដឹងថា អ្នកលេងរាប់សិបនាក់រត់ប្រសាចផ្អើលពេញភូមិ ខណៈមនុស្ស២នាក់ដែលត្រូវឃាត់ខ្លួន ម្នាក់ឈ្មោះ ជាម រ៉ា អាយុ៥៤ឆ្នាំ ជាម្ចាស់ផ្ទះ និងម្នាក់ទៀតឈ្មោះ គុណ រ៉ាឌី អាយុ២៤ឆ្នាំ ។
សេចក្ដីរាយការណ៍ឲ្យដឹងទៀតថា ក្រៅពីឃាត់មនុស្ស២នាក់ សមត្ថកិច្ចរឹបអូសម៉ូតូអ្នកលេងបាន៨គ្រឿង ចាប់បានអាគក១២ក្បាល និងសម្ភារសម្រាប់ល្បែងបញ្ជល់មាន់ជាច្រើនទៀត បញ្ជូនទៅកាន់អធិការដ្ឋាននគរបាលស្រុកថ្មគោល ដើម្បីសួរនាំ មុនពេលបញ្ជូនទៅកាន់ស្នងការដ្ឋាននគរបាលខេត្ត ដើម្បីចាត់ការបន្ត ៕
ចែករំលែកព័តមាននេះ