ខណៈចុះល្បាត សមត្ថកិច្ចចាប់បានមុខសញ្ញាចែកចាយគ្រឿងញៀ.នម្នាក់
ខេត្តកំពត ៖ បទល្មើសគ្រឿងញៀ.ននៅក្នុងទឹកដីក្រុងកំពតនាពេលបច្ចុប្បន្ននេះកំពុងធ្វើឲ្យកម្លាំងសមត្ថកិច្ចកងរាជអាវុធហត្ថក៍ដូចជាកម្លាំងនគរបាលក្រុង និងខេត្ត …
ខេត្តកំពត ៖ បទល្មើសគ្រឿងញៀ.ននៅក្នុងទឹកដីក្រុងកំពតនាពេលបច្ចុប្បន្ននេះកំពុងធ្វើឲ្យកម្លាំងសមត្ថកិច្ចកងរាជអាវុធហត្ថក៍ដូចជាកម្លាំងនគរបាលក្រុង និងខេត្ត …
ខេត្តកំពត ៖ បទល្មើសគ្រឿងញៀននៅក្នុងទឹកដីក្រុងកំពតនាពេលបច្ចុប្បន្ននេះកំពុងធ្វើឲ្យកម្លាំងសមត្ថកិច្ចកងរាជអាវុធហត្ថក៍ដូចជាកម្លាំងនគរបាលក្រុង និងខេត្ត មមាញឹកក្នុងការចុះល្បាត តាមដាន និងស្រាវជ្រាវ ស៊ើបអង្កេត រកមុខសញ្ញាជាប់ទាំងយប់ទាំងថ្ងៃស្ទើរតែគ្មានពេលសំរាកឡើយ ។
ជាក់ស្តែងនៅយប់ថ្ងៃទី០២ ខែធ្នូ ឆ្នាំ២០១៦ តាមបញ្ជារបស់លោកឧត្តមសេនីយទោ ម៉ៅ ចន្ទ័មធុរិទ្ធ ស្នងការខេត្តនិងមានការសម្របសម្រួលពីលោកព្រះរាជអាជ្ញាអមសាលាដំបូងខេត្ត លោកវរសេនីយត្រី លក ញ៉ាវ នាយការិយាល័យព្រហ្មទណ្ឌកម្រិតស្រាល បានដឹកនាំកម្លាំងអន្តរាគមន៍ឈុតខ្មៅនៃស្នងការខេត្ត ចុះល្បាតក្នុងភូមិសាស្ត្រសំខាន់ៗ ក៏បានប្រទះឃើញមុខសញ្ញាចែកចាយគ្រឿងញៀនម្នាក់កាលពីវេលាម៉ោង៩ និង៣០នាទីយប់ នៅលើផ្លូវគ្រួសក្រហមមួយខ្សែស្ថិតក្នុងភូមិកំពង់បាយខាងជើង សង្កាត់កំពង់បាយក្រុងកំពត ។
លោកវរសេនីយ៍ត្រី លក ញ៉ាវ បានឲ្យដឹងថា ជនសង្ស័យដែលកម្លាំងយើងឃាត់ខ្លួនបានកំពុងតែធ្វើសកម្មភាពជាក់ស្តែងនេះមានឈ្មោះ ពៅ ខួច ភេទប្រុស អាយុ៣២ឆ្នាំ មានទីលំនៅភូមិស្វាយធំសង្កាត់ក្រាំងអំពិល ក្រុងកំពត ។ វត្ថុតាងដែលដកហូតបានមានថ្នាំញៀនចំនួន៦កញ្ចប់ ១កញ្ចប់ធំ ។
ជនសង្ស័យត្រូវបានការិយាលយ័ប្រឆាំងបទល្មើសគ្រឿងញៀន នៃស្នងការដ្ឋាននគរបាលខេត្ត កសាងសំណុំរឿងបញ្ជូនទៅតុលាការនាព្រឹកថ្ងៃអាទិត្យនេះ ។
លោកឧត្តមសេនីយ៍ ម៉ៅ ចន្ទ័មធុរិទ្ធ ស្នងការនគរបាលខេត្ត បានមានប្រសាសន៍ថា ការដាក់បញ្ជាឲ្យកម្លាំងចុះល្បាតនេះ គឺមិនមែនតែក្រុងកំពតមួយទេ គឺកម្លាំងសមត្ថកិច្ចគ្រប់ស្រុកទាំង៨នៅក្នុងខេត្តគឺចុះល្បាតស្រាវជ្រាវមុខសញ្ញាបទល្មើសទាំងអស់ ៕
ចែករំលែកព័តមាននេះ