មូលហេតុដែលបណ្តាលឱ្យតម្លៃខុនដូធ្លាក់ចុះ
អ្នកដែលស្វែងរកខុនដូសម្រាប់ស្នាក់នៅ ក្រៅពីការមើលទៅលើទីតាំង ម៉ូដអគារ ទំហំបន្ទប់ និងការតុបតែងបន្ទប់ ពួកគេនឹងមើលទៅលើកត្តារួម និងឥរិយាបថរបស់មនុស្សដែលរស់នៅក្នុងខុនដូនោះផងដែរ ។
អ្នកដែលស្វែងរកខុនដូសម្រាប់ស្នាក់នៅ ក្រៅពីការមើលទៅលើទីតាំង ម៉ូដអគារ ទំហំបន្ទប់ និងការតុបតែងបន្ទប់ ពួកគេនឹងមើលទៅលើកត្តារួម និងឥរិយាបថរបស់មនុស្សដែលរស់នៅក្នុងខុនដូនោះផងដែរ ។
ឥរិយាបថរបស់អ្នករស់នៅក្នុងខុនដូទាំងនេះ តែងធ្វើឱ្យសភាពរួមរបស់ខុនដូមិនល្អ ដែលធ្វើឱ្យប៉ះពាល់ដល់ការលក់បន្ត ព្រមទាំងតម្លៃប៉ាន់ស្មាននាពេលអនាគត ។ ដូច្នេះ បើមិនចង់ឱ្យតម្លៃខុនដូធ្លាក់ចុះនោះ គួរចៀសវាងនូវកត្តាដូចខាងក្រោមនេះ ។
១-ការនៅជាប់ចានផ្កាយរណប ៖
ចំណុចនេះរមែងខុសច្បាប់ផ្នែកកណ្តាល ព្រោះមានផលប៉ះពាល់ដល់តំបន់នៅក្បែរៗផ្នែកកណ្តាលនោះ ដែលធ្វើឱ្យអគារមើលទៅគ្មានរបៀប និងប៉ះពាល់ដល់តម្លៃរបស់អគារផងដែរ ។
២-ដោះស្រាយបញ្ហាចំណតរថយន្តមិនគ្រប់គ្រាន់ ៖
អ្នកអាចកែតម្រូវអាងហែលទឹកមកធ្វើជាចំណតរថយន្ត ព្រោះសង្កេតឃើញថា អាងហែលទឹកមិនសូវមានអ្នកមកប្រើប្រាស់ប៉ុន្មានឡើយ ។ ប៉ុន្តែ សម្រាប់ថ្ងៃអនាគត អាងហែលទឹកអាចទាក់ទងនឹងតម្លៃលក់ផងដែរ ។ ចំពោះខុនដូប្រភេទ Low Rise បើសិនគ្មានអាងហែលទឹកទេនោះ គឺអាចនឹងត្រូវបាត់បង់ចំណាប់អារម្មណ៍ ។
៣-មានសំឡេង និងក្លិនរំខានដល់បន្ទប់ក្បែរខាង ៖
ការបើកទូរទស្សន៍ បើកភ្លេង ប្តូរទីតាំងដាក់សម្ភារមានសំឡេងខ្លាំង ជួសជុលឧបករណ៍នានាខុសម៉ោងពេលដែលគេអនុញ្ញាត និងការចឹញ្ចឹមសត្វ ទាំងអស់នេះចាត់ទុកជាការរំខានដល់អ្នកជិតខាង ។
ចំណែកការធ្វើម្ហូបជិះក្លិន គឺកើតឡើងចំពោះបន្ទប់ខុនដូណាដែលមិនបានសង់ឧបករណ៍បញ្ចេញខ្យល់ទៅលើបរិយាកាស ។ ម្យ៉ាងទៀត គួរតែចៀសវាងការជក់បារីក្នុងបន្ទប់ ឬយ៉នៃបន្ទប់ផងដែរ ។
៤-យកបន្ទប់ជាកន្លែងណាត់ជួបភ្ញៀវ ៖
ការណាត់ជួបមិត្តភក្តិនៅក្នុងបន្ទប់ជាញឹកញាប់ ក៏ធ្វើឱ្យមានសំឡេងខ្លាំង និងរំខានដល់អ្នករស់នៅក្បែរខាងផងដែរ ។
សរុបមក ការរស់នៅរួមគ្នាក្នុងខុនដូ ប្រសិនបើធ្វើអ្វីត្រឹមត្រូវតាមច្បាប់របស់នីតិបុគ្គល គឺស្មើនឹងមានចំណែកចូលរួមក្នុងការថែរក្សា និងបំពេញតម្លៃរបស់ខុនដូ ៕
ចែករំលែកព័តមាននេះ