ជិះម៉ូតូទាក់ដៃចង្កូតគ្នា ដួលរបួសធ្ងន់ស្រាល៤នាក់
រាជធានីភ្នំពេញ ៖ យ៉ាងហោចណាស់មនុស្ស៤នាក់បានរងរបួសធ្ងន់និងស្រាល ក្នុងនោះមានស្ត្រីម្នាក់ផងដែរ ខណៈជិះម៉ូតូទាក់ដៃចង្កូតគ្នាបណ្ដាលឲ្យដួល …
រាជធានីភ្នំពេញ ៖ យ៉ាងហោចណាស់មនុស្ស៤នាក់បានរងរបួសធ្ងន់និងស្រាល ក្នុងនោះមានស្ត្រីម្នាក់ផងដែរ ខណៈជិះម៉ូតូទាក់ដៃចង្កូតគ្នាបណ្ដាលឲ្យដួលកាលពីម៉ោង១០ និង៣០នាទីយប់ ថ្ងៃទី៣ ខែធ្នូ ឆ្នាំ២០១៦ នៅចំណុចមុខសាលាសង្កាត់ចោមចៅ ស្ថិតក្នុងភូមិព្រៃព្រីងខាងជើង សង្កាត់ចោមចៅ ខណ្ឌពោធិ៍ សែនជ័យ ។
ប្រភពព័ត៌មានបានឲ្យដឹងថា អ្នករងគ្រោះមិនត្រូវបានស្គាល់អត្តសញ្ញាណ ។ មុនពេលកើតហេតុគេបានឃើញបុរសម្នាក់ជិះម៉ូតូម៉ាក ហុងដាឌ្រីម ស៊េរីឆ្នាំ២០០៧ ពាក់ស្លាកលេខ ភ្នំពេញ 1H-4981 ក្នុងទិសដៅពីកើតទៅលិច ខណៈមកដល់ចំណុចកើតហេតុខាងលើស្រាប់តែម៉ូតូ១គ្រឿងទៀតម៉ាកហុងដាឌ្រីម ស៊េរីឆ្នាំ២០១០ ពាក់ស្លាក លេខ តាកែវ 1F-2232 ជិះគ្នា៣នាក់ ជិះស្របគ្នាមកទាក់ដៃចង្កូតដួលទាំង២គ្រឿងបណ្តាលឲ្យរងរបួសធ្ងន់៣នាក់និងស្រាលម្នាក់ ។
ក្រោយកើតហេតុជនរងគ្រោះត្រូវបានដឹកទៅសង្គ្រោះនៅគ្លីនិកឯកជន ចំណែកម៉ូតូទាំង២គ្រឿងត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលខណ្ឌពោធិ៍សែនជ័យ រង់ចាំដោះស្រាយនៅពេលក្រោយ ៕
ចែករំលែកព័តមាននេះ