ខេត្តបាត់ដំបង ៖ កូនសិស្សអនុវិទ្យាល័យរតនមណ្ឌលចំនួន០៦នាក់ ដែលត្រូវរន្ទះបា.ញ់ឲ្យរបួស ពេលនេះ ត្រូវបានក្រុមគ្រួពេទ្យជួយសង្គ្រោះឲ្យរួចផុតពីគ្រោះថ្នាក់ដល់អាយុជីវិតហើយ ។ នេះបើតាមមន្ត្រីមូលដ្ឋានបានបញ្ជាក់ប្រាប់កោះសន្តិភាពនៅព្រឹកថ្ងៃទី២៨ មិថុនា។
នាយប៉ុស្ដិ៍នគរបាល ឃុំស្ដៅបានឲ្យដឹងថា សិស្សអនុវិទ្យាល័យរតនមណ្ឌលចំនួន០៦នាក់ ក្នុងនោះ មានស្រីចំនួន០៤នាក់ ត្រូវរន្ទះបា.ញ់ឲ្យរងរបួស ក្នុងចំណោមនោះ មានប្រុស-ស្រីម្នាក់រង
របួសធ្ងន់ តែពេលនេះ ត្រូវគ្រួពេទ្យជួយសង្គ្រោះឲ្យរួចផុតពីគ្រោះថ្នាក់ដល់អាយុជីវិតហើយ ។
លោកនាយប៉ុស្ដិ៍បានប្រាប់ថា កូនសិស្សទាំងនោះត្រូវរន្ទះបា.ញ់ ពេលកំពុងឈរនៅខាងមុខបន្ទប់រៀន ខណៈមេឃកំពុងភ្លៀងធ្លាក់ខ្លាំង លាយឡំខ្យល់កន្ត្រាក់ និងផ្គររន្ទះយ៉ាងខ្លាំងក្លាផង។ បើតាមលោក កែវ ណាគ្រី បានបញ្ជាក់ថា បើពិនិត្យនៅកន្លែងកើតហេតុ រន្ទះបានបា.ញ់ដើមឈើនៅក្នុងបរិវេណសាលារៀននោះ តែមានឥទ្ធិពលខ្លាំងជះដល់កូនសិស្សនៅក្បែរនោះ ធ្វើឲ្យរបួស០៦នាក់ តែសិស្សស្រីម្នាក់សន្ល.ប់ស្តូក។
បើតាមរបាយការណ៍បាតុភូតរន្ទះបា.ញ់នេះ បានកើតឡើងនៅវេលាម៉ោង៣និង៣០នាទីរសៀលថ្ងៃទី២៧ មិថុនា នៅចំណុចអនុវិទ្យល័យរតនមណ្ឌល ស្ថិតក្នុងភូមិបាណង់ ឃុំស្ដៅ ស្រុករតនមណ្ឌល ខណៈមានភ្លៀងធ្លាក់មួយមេយ៉ាងខ្លាំង គ្រប់ដណ្ដប់ស្ទើរទូទាំងតំបន់នោះ។
សូមបញ្ជាក់ថា កាលពីជាងមួយសប្ដាហ៏មុន បាតុភូតផ្គររន្ទះបែបនេះ បានកើតម្ដងហើយនៅស្រុករតនមណ្ឌល ដែលរន្ទះបានបា.ញ់សត្វគោមួយក្បាលងាប់ នៅភូមិអូរល្មួន ឃុំត្រែង រីឯនៅតាមបណ្ដាស្រុកដទៃទៀត ក្នុងខេត្តបាត់ដំបង ក៏រងគ្រោះដោយសារខ្យល់កន្ត្រាក់ និងរន្ទះបា.ញ់ដូចគ្នាដែរ ក្នុងរយៈពេលប៉ុន្មានថ្ងៃកន្លងទៅនេះ ៕
ចែករំលែកព័តមាននេះ