ប្រទេសឥណ្ឌូណេស៊ី ៖ រដ្ឋាភិបាលឥណ្ឌូណេស៊ីបានស្នើឲ្យប្រទេសអីុរ៉ង់វិនិយោគលើគម្រោងកែច្នៃប្រេងក្នុងប្រទេសរបស់ខ្លួន ខណៈប្រទេសសម្បូរប្រេងមួយនេះអាចផ្គត់ផ្គង់ដល់កន្លែងកែច្នៃប្រេងនៅឥណ្ឌូណេស៊ីបាន ។
ប្រទេសឥណ្ឌូណេស៊ី ៖ រដ្ឋាភិបាលឥណ្ឌូណេស៊ីបានស្នើឲ្យប្រទេសអីុរ៉ង់វិនិយោគលើគម្រោងកែច្នៃប្រេងក្នុងប្រទេសរបស់ខ្លួន ខណៈប្រទេសសម្បូរប្រេងមួយនេះអាចផ្គត់ផ្គង់ដល់កន្លែងកែច្នៃប្រេងនៅឥណ្ឌូណេស៊ីបាន ។
ប្រធានគ្រប់គ្រងផ្នែកប្រេង លោក Wiratmaja Puja មកពីក្រសួងថាមពល និងធនធានរ៉ែ បានថ្លែងកាលពីថ្ងៃចន្ទថា ៖ « ពួកយើងបានស្នើដល់ប្រទេសអីុរ៉ង់ឲ្យវិនិយោគកន្លែងកែច្នៃប្រេង Bontang (នៅ Kalimantan ខាងកើត) ជាមួយក្រុមហ៊ុនប្រេងរបស់រដ្ឋ Pertamina ឬក៏សាងសង់កន្លែងកែច្នៃប្រេងផ្ទាល់មួយក៏បានព្រោះពួកយើងអនុញ្ញាតឲ្យមានកម្មសិទិ្ធអាជីវកម្ម ១០០% រួចមកហើយសម្រាប់ជនបរទេស » ។
លោក Wiratmaja បន្តថា កាលពីសប្តាហ៍មុន សំណើមួយនេះត្រូវបានផ្ញើទៅកាន់ក្រុមប្រតិភូអីុរ៉ង់ ដែលដឹកនាំដោយរដ្ឋមន្ត្រី Mahmoud Vaezi ក្នុងក្រសួងទំនាក់ទំនង និងបច្ចេកវិទ្យាព័ត៌មានផងដែរ ។
លោកបន្ថែមថា ប្រទេសឥណ្ឌូណេស៊ីបច្ចុប្បន្ន បានទិញឧស្ម័នប្រេងកាតពីប្រទេសអីុរ៉ង់ ហើយក៏មានគម្រោងទិញប្រេងឆៅពីទីនោះទៀតផង ។ លោកថ្លែងថា ៖ «ប្រសិនបើប្រទេសអីុរ៉ង់វិនិយោគលើផ្នែកកែច្នៃប្រេងនៅឥណ្ឌូណេស៊ី ពួកគេអាចផ្គត់ផ្គង់កន្លែងកែច្នៃទាំងនោះដោយប្រេងឆៅរបស់ខ្លួន » ។
ពីមុនមក រដ្ឋាភិបាលក៏បានទទួលជោគជ័យក្នុងការអញ្ជើញក្រុមហ៊ុន Aramco របស់ប្រទេស អារ៉ាប៊ីសាអូឌីតឲ្យមកវិនិយោគក្នុងគម្រោងកែច្នៃប្រេង Cilacap នៅ Java កណ្តាលផងដែរ។ បន្ទាប់ពីកន្លែងកែច្នៃនោះចាប់ផ្តើមដំណើរការក្នុងឆ្នាំ២០២២ខាងមុខ Aramco នឹងអាចផ្គត់ផ្គង់ប្រេងឆៅបានមួយចំនួនធំ ៕
ចែករំលែកព័តមាននេះ