ធ្លាប់តែលុយចាយពេញៗដៃ! ពេលនេះ នាង Amber Heard ដើរទិញអីវ៉ាន់បញ្ចុះតម្លៃ
សហរដ្ឋអាមេរិក ៖ តារាសម្តែងហូលីវូដ Amber Heard ដែលធ្លាប់តែហ៊ឺហារមានលុយចាយពេញៗដៃ
សហរដ្ឋអាមេរិក ៖ តារាសម្តែងហូលីវូដ Amber Heard ដែលធ្លាប់តែហ៊ឺហារមានលុយចាយពេញៗដៃ
សហរដ្ឋអាមេរិក ៖ តារាសម្តែងហូលីវូដ Amber Heard ដែលធ្លាប់តែហ៊ឺហារមានលុយចាយពេញៗដៃប៉ុន្តែពេលនេះ កំពុងតែជួបប្រទះបញ្ហាហិរញ្ញវត្ថុយ៉ាងខ្លាំង។ បន្ទាប់ពីចាញ់ក្តី នឹងត្រូវបង់សំណងចំនួន១៥លានដុល្លារ ដល់កំពូលតារាសម្តែង Johnny Depp ដែលជាអតីតស្វាមី។
កាលពីពេលថ្មីៗនេះ របាយការណ៍ជាច្រើនបានអះអាងថា Amber Heard កំពុងរស់នៅក្នុងជីវភាពមួយ ដោយត្រូវសន្សំសំចៃខ្ពស់បំផុត ដែលខុសពីជីវិតស៊ីវីល័យរបស់នាងកាលពីមុន។ ជាក់ស្តែងកាលពីពេលថ្មីៗនេះ ប្រភពពីកាសែត New York Post បានថតជាប់តួឯកស្រីក្នុងរឿង «Aquaman» វ័យ៣៦ឆ្នាំរូបនេះ ស្លៀកពាក់សាមញ្ញបំផុត ដើរទិញខោអាវ និងទំនិញផ្សេងៗ នៅក្នុងហាងលក់ទំនិញបញ្ចុះតម្លៃ។
គួររំលឹកថា កន្លងមក មេធាវីរបស់ Amber Heard ធា្លប់បានប្រាប់កម្មវិធី «TODAY» ថា Heard នឹងមិនអាចសងប្រាក់សំណងខូចខាតរាប់លានដុល្លារបាននោះទេ។ បើទោះបីជាមានរបាយការណ៍ជាច្រើនផ្សេងទៀត ដែលទទួលបានពីអ្នកស្និតនឹងតារាស្រីរូបនេះ បានអះអាងថា Heard មានបំណងប្តឹងឧទ្ធរណ៍ចំពោះសាលក្រមនេះ យ៉ាងណាក៏ដោយ។
ទោះយ៉ាងណា បើយោងតាមការបញ្ជាក់ពីលោក Benjamin Chew មេធាវីរបស់ Depp បាននិយាយថា តួឯកប្រុសក្នុងរឿង «Captain Jack Sparrow» ដ៏ល្បីល្បាញវ័យ៥៩ឆ្នាំរូបនេះ នឹងយល់ព្រមចំពោះការស្វែងដំណោះស្រាយផ្សេង ប្រសិនបើ Heard មិនស្វែងរកការប្តឹងឧទ្ធរណ៍៕ (ដកស្រង់ចេញពី Latin Times)
ចែករំលែកព័តមាននេះ